Haf tin dispensashon di impuesto riba volúmen (OB) riba kombustibel ku nan ta bende, mientras ku haf priva di yate no ta probechá di e dispensashon aki

Haf tin dispensashon di impuesto riba volúmen (OB) riba kombustibel ku nan ta bende, mientras ku haf priva di yate no ta probechá di e dispensashon aki

PHILIPSBURG – E rapòrt di integridat di PriceWaterhouseCoopers (PWC) ta un trabou irealisabel. E ta kontené un kantidat di informashon di infrakshon di tur dia, kaminda espesialmente ta kai na bista ku kontinuamente ministernan ta mete den asuntu na nan ministerio mientras ku nan lo mester okupá nan mes ku maneho.

E rapòrt ta mustra tambe e kultura di miedu ku tin e kuerpo di ámtenar den su gara. Esaki ta pone ku hopi ámtenar ta preferá guli loke minister i superiornan ta eksihí ku hasi nan mes bida miserabel i bai kontra di esaki. Ta kustumber pa famia i amigu aserká e ministernan direktamente ku nan kehonan i deseonan. Un minister a deskribi su posishon asina: “Tur dia mi ta spanta di mi mes ora mi realisá kuantu poder mi tin. No ta normal i no ta bon.”

Malu
Ministernan tambe tin maña di keda sin aster konseho ofisial. Un ministerio asta a duna su ámtenarnan òrden pa no skibi konseho negativo mes mas. “Bo no por haña òntslag pero nan por hasi bo bida hopi difísil pa bo”, un ámtenar ta konta e konsultantenan di PWC. No tin maneho por eskrito pero mi mester koperá. Mi ta bira malu di tur e menasanan.

Nightclub
Minister ta intervení regularmente ora nan ámtenar hasi algui ku ta un desbentaha pa nan amigunan. Apertura di e nightclub Le Shore – sin ku ta menta e nòmber aki den e rapòrt – na Simpson Bay na 2012 ta un ehèmpel di esaki. Un tim di inspekshon ker a sera e lugá pa e apertura festivo kaminda tabata spera 800 wespet pasobra no tabatin aparato pa paga kandela, salida di emergensia i pèrmit di trabou. “M’a paga e minister asina tantu plaka ku boso no por poné mi sera”, e doño di e club a bisa e inspektornan. Esaki ta trata di e minister di Salubridat Públiko, Asuntunan Sosial i Labor Cornelius de Weever.

Brasserie
Un otro kaso ta e kòntròl di Brasserie New York na Porto Cupecoy na febrüari di 2013. E restorant ta propiedat di Andy Wescot, yu hòmber di promé minister Sarah Wescot-Williams. Aki e inspektornan a konstatá ku tabata falta pèrmit di trabou i pèrmit di establesementu mientras ku no tabatin orario di trabou i lista di personal tampoko.

E dia despues di e kòntròl e ámtenarnan a haña un yamada di telefon di e minister – ta aseptabel ku tabata Wescot-Williams – ku e pregunta pakiko a molestiá su yu hòmber (den e rapòrt tin pará ‘un famia yegá’). Despues masha lihé mes e restaurant a haña tur su pèrmitnan i ounke tin un but di 100 mil florin si bo tin personal sin pèrmit di trabou, nunka no a kastigá e doño.

Integridat di parlamento
E rapòrt ta kontené rekomendashon tokante binti tópiko ku e investigadónan no a alkansá pa trata pasobra nan no tabata kai bou di e enkargo. E rekomendashon mas importante ta un evaluashon spesífiko di integridat di parlamento. Segun e investigadónan hopi hende ku a entrevista a formulá nan prekupashon grave tokante parlamento i su kapasidat, efektividat i fieldat na integridat.

Duda serio
E konsultantenan tin duda serio tokante e integridat di kompania di gobièrnu, manera Bureau Telecommunicatie en Post i e kompanianan di haf, kendenan tur dos a ninga di presentá nan bukinan pa investigashon. PWC ta rekomendá pa hasi investigashon tantu en realidat komo forénsiko di e bukinan serka e kompanianan aki pa kontrolá riba aktonan frouduloso, malversashon di propiedat di kompania i mantenshon di regla stipulá den e statütnan.

Konkurensha deshonesto
A keda determiná ku haf tin dispensashon di OB riba e kombustibel ku e ta bende mientras ku haf privá di yate no tin e bentaha aki. Na 2012 haf a bende mas ku 5 mion galòn di kombustibel pa mas ku 5.5 mion dòler. E kompania di gobièrnu a spar 275 mil dòler na OB. E rapòrt ta bisa ku mester para e forma di konkurensha deshonesto aki.

Outor: Hilbert Haar