E sospechoso di 26 aña Adrian Martha, konosí tambe komo ‘Poison’. Ainda e tim di rastreo na gran eskala (TGO) ta busk’é – potrèt: OM
WILLEMSTAD – Kuater posibel perpetradó di e tiroteo na aeropuerto Hato dia 15 di yüli ta será. Un di sinku ainda ta fugitivo, asta despues di sinku listramentu di kas awe meinta trempan.
Esfuersonan anterior pa detené e di sinku sospechoso aki no tabatin resultado, ta p’esei Ministerio Públiko (OM) a saka un notisia di rastreo. Ta trata di Adrian Santhony Martha , tambe konosí komo ‘Venenu’ i ‘Poison’.
Guera di banda
Den e tiroteo na aeropuerto a kai dos morto, Erwin Adriano ‘Jais’ Juliana (35) i su subrina Shantley Percival Arnhem (22). Juliana tabata lider di e banda Buena Vista City, ku ya pa basta tempu tabatin problema ku ‘No Limit Soldiers’ (NLS). Segun OM e tiroteo na Hato tabata un likidashon den e sirkuito kriminal. “Parse e sinku sospechosonan tin lasonan ku NLS”, OM ta bisa.
Den listramentu di kas anteriormente a haña arma ilegal, plaka kèsh i droga. Durante tres listramentu di kas awe meinta den dos kas na Koraal Specht i un kas na Mari Pampun a konfiská aparato ku informashon digital.
A tira Jais Juliana mata sanger friu e anochi di 15 di yüli – potrèt: José de Bruin
Shete hende ku tabata warda banda di e sala di yegada e anochi ei di e tiroteo a haña herida. Juliana a kaba di yega ku Air Berlin for di Düsseldorf i a tir’é mata promé ku su subrina por a dun’é un arma.
Outor: Anneke Polak