Vladimir Makarenko (r) i Taras Vakanchuk (dr) den sala di korte – potrèt: The Daily Herald / Althea Merkman

Vladimir Makarenko (r) i Taras Vakanchuk (dr) den sala di korte – potrèt: The Daily Herald / Althea Merkman

ORANJESTAD – E dos nabegantenan ukraino, ku for di mei ta keda na Sint Eustatius, por warda e resultado di nan apelashon kontra nan deportashon na Statia. Esaki Korte di Promé Instansha a disidí awe.

Taras Vakarchuk (26) i Vladimir Makarenko (25) a resultá na Statia despues di un guera ku e kapitan di un barku ku a laga nan atras riba e isla sin nan pasaportenan. Despues di a pasa un anochi friu kant’i playa e dos ost oropeanonan a kana bai warda di polis, kaminda nan a pidi asilo polítiko.

Petishon pa asilo
E habitantenan di Donetsk den Ost Ukraina ta teme pa nan bida si fòrsa nan di bai nan tera natal bèk. E hòmbernan ku ta papia ruso tin miedu di kai den man di ukrainonan of haña nan fòrsá pa separatistanan ruso di djòin e milisianan. Sekretario di estado Teeven al kontrario ta haña ku e hòmbernan por regresá na Ukraina seif, i a rechasá nan petishon pa asilo na yüni.

Pero korte ta di opinion ku mester duna e buskadónan di asilo e oportunidat pa duna nan opinion durante tratamentu di e apelashon. Si deportá nan no ta sigur ku nan por bini Statia bèk pa duna e deklarashon ku mester di nan, asina wes a rasoná. Ta pesei kategórikamente a taha sekretario di estado pa saka e dos hòmbernan wardando e apelashon. No ta konosí ki dia korte lo studia e kaso aki atrobe.

Outor: John van Kerkhof