Lider di DP Wescot-Williams i su kandidato pa minister Emil Lee – Potrèt: Today / Hilbert Haar
PHILIPSBURG – Sarah Wescot-Williams a baha komo presidente di e parlamentu nobo despues di un diferensha di opinion ku formadó Theo Heyliger tokante nominashon di kandidato pa minister. Democratische Partij, e partido ku Wescot-Williams ta lider di dje ta na punto di retirá su sosten na koalishon i saka e minister aktual di Salubridat Publiko, Asuntunan Sosial i Labor Cornelius de Weever for di e partido.
E baimentu di DP no tin konsekuensha direkto pa formashon di un gobièrnu nobo. Heyliger su Verenigde Volkspartij (UP) por konta ku sosten di Cornelius de Weever i di Leona Marlin-Romeo i e tin un mayoria kómodo di 9-6 den parlamento.
Wescot-Williams djárason atardi a bisa ku DP por a nombra dos minister i un minister plenipotensiario na Den Haag. Tambe DP lo a entregá e presidente di parlamentu. DP tabatin Emil Lee i Yvette Halley na bista komo kandidato pa minister, i Perry Geerlings komo minister plenipotensiario. Solamente e nombramentu di Wescot-Williams komo presidente di parlamento a bira realidat.
Djaluna último e lider di DP a risibí un kopia di un karta di Cornelius de Weever – e presidente aktual di frakshon di DP – kaminda tin skibí ku el a pone su tio Leroy Weever i Rita Gumbs, kabes di un skol básiko, komo kandidato pa minister. Formadó Heyliger a aseptá nan.
Kiebro
Wescot-Williams ta haña ku e formadó no a kumpli ku loke a palabrá i el a skibi un karta pa tantu De Weever komo formadó Heyliger. Wardando nan reakshon ta manera ku un kiebro ku koalishon i sakamentu di De Weever for di DP ta solamente un formalidat.
Outor: Hilbert Haar