Potrèt: Dick Drayer
WILLEMSTAD – Den e dokumental ‘Sombra di Koló’ trinta hende di sinku bario kurasoleño ta konta kiko koló i rasa ke men pa nan. Ku e sine e antropólogo Angela Roe ta spera di kibra e tabú riba koló na Kòrsou. El a traha e dokumental huntu ku produktor Selwyn de Windt i kamarógrafo Hester Jonkhout, komo produkto adishonal di e investigashon pa su tésis na Universdat di Florida.
Aktualmente e dokumental ta pasa skolnan na Kòrsou. Òf mihó bisá, alumnonan di skol ta bini teatro Luna Blou i despues di mira e sine ta diskutí tokante di e tema. Mayoria di e alumnonan ta bisa ku koló no ta importante pa nan mes personalmente, pero nan ta atmití ku na Kòrsou si e ta hunga un papel importante.
Dick Drayer tabata na un presentashon pa skol i a traha e siguiente reportahe
“Kolo ta disidí na Kòrsou”, trahadó di e sine Angela Roe ta bisa. “Pero no tin un solushon pa e doló ku esaki ta trese kuné. Pa e motibu ei el a pidi e alumnonan di skol pa pensa un solushon kreativo ku teksto, arte plástiko i trahamentu di sine. E obranan ku esaki lo trese ta ekshibí otro aña.
Outor: Dick Drayer