Chris Palm director Sentro pa Hubentut i Famia foto: Belkis Osepa

Chris Palm director Sentro pa Hubentut i Famia – potrèt: Belkis Osepa

KRALENDIJK – “Un mucha ku ta kome tres te kuater pandushi tras di otro i bo ta wak ku e ke mas, tin hamber.” Asina Carla Oleana guia di aktividat na Sentro pa Hubentut i Famia ta bisa. E sentro ta mira ku e koperashon ku mayornan ta duna fruta. Mayornan na Boneiru ta haña ayudo pa riba nan mes forsa kumpli ku derechonan di nan yu.

Tòg ta nesesario pa tuma mas akshon, asina direktor Chris Palm di Sentro pa Hubentut i Famia ta bisa. E sosten, ayudo i konsehonan mester alkansá mas mayor na Boneiru. Dia 20 di novèmber riba dia internashonal di derecho di mucha, muchanan entousiasmá ku nan mayornan a kana den e kaminata di lampion anual. Esak ta e aktividat kulminante pa selebrá e di bintisinku aña ku a yega na e Tratado di Derecho di Mucha.

Belkis Osepa den kombersashon ku Chris Palm i Carla Oleana

Pobresa
Ainda no kumpli ku tur e derechonan di mucha na Boneiru. Den un rapòrt di Unicef ku a sali e komienso di aña aki tin pará ku hopi mucha ta krese bou di sirkumstansianan insigur i no saludabel. E derechonan di mucha ta kai chikí debí na entre otro pobresa, deskuido, abusu, violensia doméstiko, embaraso hubenil i sobrepeso. Plasterk: “Si bo ke realisá solamente e derechonan di mucha, lo bo no logra.”Tin klaramente un relashon entre e derechonan, ekonomia i kombastimentu di pobresa.”

Kaminata di lampion Foto Belkis Osepa

Kaminata di lampion – potrèt: Belkis Osepa

Mimi Dongen ta duna sosten den edukashon na e sentro. Mashá lihé por pone un relashon entre pobresa i kumplimentu di e derechonan di mucha. Dongen ta mira regularmente den e sentro muchanan ku ta drenta ku hamber. “Tin bia mi ta wak mucha ku ke partisipá na e aktividat di pinta kara, pero nan no tin esun dòler ei pa paga. Si mi pinta un mucha su kara tòg pornada mi ta wak na nan wowonan ku e tin hamber. Dirèkt despues mi ta tende su barika gruña.”

Aktividatnan
No ta tur mayor Sentro pa Hubentut i Famia ta alkansá. Sí ta purba pa medio di aktividatnan plasentero pa atraé mayornan i yu yega e sentro. Dongen: “Nos ta traha riba prevenshon. Pesei nos ta hasi kosnan agradabel i pa tur famia tin algu.” Oleana ta satisfecho ora e wak karanan kontentu di tantu e muchanan komo di mayornan. “Nan tur dos tin e nesesidat pa ayudo. Nos ta purba duna sosten den edukashon òf nos ta guia nan pa otro instanshanan ku por duna un man.”

Chris Palm ta for di 1 novèmber direktor di e Sentro pa Hubentut i Famia. E ta bisa ku e sa ku e trabou port a mas efektivo. Ya a lanta un taskforce pa derecho di mucha. Lo mester yega na un aserkamentu integral. “Nos ke hasi mas huntu ku famianan, den barionan i huntu ku otro instanshanan. Importante ta pa laga e mayornan mes papia tokante nan problemanan i pensa riba e possibel solushonnan.”

Outor Belkis Osepa