Marcel Gumbs – potrèt: Today
PHILIPSBURG – Un dia mas lat ku a palabrá formado Theo Heyliger a entregá su rapòrt final serka gobernador Eugene Holiday. E gabinete ku ta haña sosten di e frakshon di Verenigde Volkspartij (UP) i e parlamentarionan independiente Leona-Marlin Romeo i Cornelius de Weever, ta enkabesá pa e promé minister nobo Marcel Gumbs.
E gabinete no ta kompleto ainda pasobra ainda ta buska kandidato pa ministerio di Bibienda Públiko, Planifikashon Espasial, Medio Ambiente i Infrastruktura i e departamentunan di Salubridat Públiko, Desaroyo Sosial i Labor.
Tanten Marcel Gumbs lo tuma Bibienda Públiko i minister di Hustisia Dennis Richardson, ku ta keda ku su puesto, ta tuma Salubridat Públiko aseka.
Martin Hassink ta keda komo minister di Finansa. E otro miembronan di e gabinete ta Rita Bourne-Gumbs (Enseñansa, Kultura, Hubentut i Deporte) i Claret Connor (Turismo, Asuntunan Ekonómiko, Transpòrt i Telekomunikashon.
Josiane Fleming-Artsen ta sigui minister plenipotensiario Mathias Voges na Den Haag. No a nombra un suplente. E miembronan di gabinete ta huramentá djabièrnè na gabinete di gobernador. Despues di e seremonia aki ta sigui un reunion konstitutivo den e edifisio di atministrashon di gobièrnu.
Outor: Hilbert Haar