Asistensia militar na e kompleho di prizòn di Sentro di Detenshon i Korekshon Kòrsou – potrèt: Dick Drayer
WILLEMSTAD – Estado di alerta a oumentá serka prizòn SDKK na Koraal Specht. Tres unidat di Koninklijke Landmacht paden i pafó di e prizòn ta vigilá e kompleho.
Ta minister di Hustisia di Kòrsou a pidi e asistensia militar fuerte aki i via gobernador a manda e petishon Den Haag. Den Haag a konsedé e asistensia, i mes ora a revoká tur ferlòf di Pasku riba e isla.
No a duna motibu pakiko mester a manda trupa. Tur servisio relatá, di Ministerio Públiko, Kuerpo di polis di Kòrsou te na bosero di ministerio di Defensa ta bisa ku nan no ta hasi niun deklarashon.
A sera e kamindanan pa SDKK, bishitante no por pasa djei. E militarnan ta armá pisá ku chaketa antibala i muts ku ta tapa henter kabes laga wowo so liber, pa no rekonosé nan. Tin un helkòpter pará standby riba tereno di e prizòn.
Djaluna pasá a tene razianan grandi den prizòn SDKK despues ku un plan pa un huimentu a lèk. Maneho di e prizòn a listra tur sèl i a haña entre otro telefon selular, droga, steroide anabol, arma trahá eiden mes i den dos sel a zag parti di e tralinan.
Asistensia militar pafó di murayanan di SDKK
Dos militar riba e kaminda pa yega SDKK