Komersiantenan di Punda i Otrobanda ta pasando den momentunan difisil
WILLEMSTAD – “Mi tin 20 aña den komersio i e aña aki tabata esun di mas malu ku ma yega di konosé, mi bentanan a kai ku sigur 50 porshentu kompará ku aña pasá”. Asina un komersiante preokupá den Breedestraat Otrobanda a trese dilanti.
E mesun situashon aki ta konta pa komersiantenan den Punda tambe. Komersiante den ambos parti di siudat a eksperienshá un kaída drástiko den nan bentanan prinsipalmente den luna di desèmber. E aña aki ni e tradishonal nochinan di kompra no a yuda oumentá e bentanan den desèmber. Turismo tambe no a kontribuí manera e komersiantenan a spera.