Representante di reino Gilbert Isabella | potrèt: Belkis Osepa
KRALENDIJK – Representante di reino Gilbert Isabella ta prepará pa un aña hopi okupá. E ta bai presensiá dos punto kulminante: elekshonnan di 18 di mart i e evaluashon estatal ku mester ta kla pa mas lat dia 10 di òktober. Komo habitante di Boneiru e ta den preparashon kaba pa 18 di mart: “Mi ta pèrkurá haña bon informashon, pa mi por vota bon.
Isabella tin un kuater luna den su funshon aworaki. E ta papia di lunanan aktivo kaminda hopi be el a bai e tres islanan i el a papia ku hende di kasi tur segmento di komunidat.
Den su opinion su papel prinsipal ta pa trese Den Haag i e islanan huntu i pa yega na solushonnan. “Mi por kana yega seka mandatarionan i papia ku nan riba nivel di gobièrnu. Mi ta masha kouteloso, pero mi ta ripará ku tin un moveshon i mi ta spera ku na aña 2015 bèrdaderamente nos por pone pasonan dilanti den koperashon ku gobièrnunan lokal.”
Distansha
Tòg e tresementu huntu di Hulanda karibense i Hulanda oropeo no ta asina fasil. “Práktikamente mirá tin asina un oséano grandi entre aki i Hulanda i e islanan mes tambe ta keda leu for di otro. Pero si bo fókùs, bo ta ripará e union grandi. Nos ta kompartí un historia.”
E relashon entre Hulanda karibense i Hulanda oropeo no ta fásil. Isabella ta remarká ku de bes en kuando e relashon ta difísil. Esaki tin e prekupá. “Den kada bon matrimonio sa tin kestion. Pero mientras tantu nos keda papia ku otro i haña ku honestamente mester solushoná algu, ta mi eksperiensha ku semper bo ta bini kla.”
Poko tempu pasa Isabella tabata presente na e diskushonnan impetuoso na Boneiru entre bonerianonan i miembronan di Tweede Kamer. “Mi tambe a ripará e impetuosidat aki. Mi ta haña ku tin be esaki ta bai masha leu. Tur hende tin derechi riba libertat di ekspreshon di opinion, pero bo mester pensa masha bon si kiko bo ta bisa i kiko bo ta hasi. Tin be mi ta sinti falta di esaki na tur dos banda.”
Tokante e diskushon di referèndem Isabella ta konsistente den su vishon. “Mester tene kuenta ku e leinan i reglanan ku tin. Eilandsraad a tuma un desishon demokrátiko. Nos mester respetá esaki.”
Isabella ta papia ku Nos Ke Boneiru Bèk | potrèt: Extra Boneiru
Riba e pregunta si na Den Haag el a papia bon di e lucha di e grupo pro referèndem Nos Ke Boneiru Bèk, Isabella ta reakshona bon kla: “Esei no ta nesesario. Nan mes por papia masha bon pa nan mes. Nan a papia ku tur gobièrnu na Hulanda. For di rei te promé minister, ministernan, sektretarionan di estado i miembronan di parlamento. Pero nos tin un sistema demokrátiko i na un dado momento bo mester ta dispuesto di asepta kos.”
Isabella ta komprondé ku e diskushonnan ta trata di e státùs estatal aktual di Boneiru komo kuerpo públiko di Hulanda. E ta konsehá bonerianunan di drenta un kombersashon ku e komishon di evaluashon ku ta investigá e efekto di e státùs. “Si aworó huntu boso konstatá ku e kos a sali un otro manera, polítika lo tuma un desishon tokante esaki.”
Kampaña vehemente
E simannan binidero tempu di elekshon ta den pleno akshon na Boneiru, Saba i Statia. “Mi ta pensa ku e lucha den Karibe ta poko mas vehemente ku na Hulanda. Mi ta haña kandente tambe pa ekperiensha esaki.
Pa e lucha polítiko pisa ku a ranka sali kaba Isabella tin un konseho. “Sea un poko kariñoso pa otro. Bo sa kaba ku despues di 18 di mart bo mester sigui ku otro. Bo por ta vehemente pa loke ta kontenido No ta pòrnada ta un lucha polítiko. Mi tambe ke keda bon informá tokante e puntonan di bista polítiko, pero keda desente.”
Outor: Belkis Osepa