Alan Howell den combersacion cu un trahador di Serlimar. Foto: Ariën Rasmijn
ORANJESTAD — Trahadornan di compania publico di recoge sushi Serlimar a para nan trabou awemainta pa protesta contra hecho cu nan a wordo paga un dia laat. Mientras tanto trucknan di sushi a bay Bestuurskantoor na Oranjestad pa para trafico y zona pitro den protesta.
Na e momento ey tambe un candela a wordo cendi na landfill di Parkietenbos, unda e trahadornan a aglomera. Esaki a causa un pluma di huma preto enorma cu por a wordo mira for di henter isla. Trahadornan mes ta nenga cu ta nan a cende tire na candela.