E muchanan ta mustra kiko nan sa bebe | foto Belkis Osepa
KRALENDIJK – Kasi tur alumno di grupo 8 di Kolegio Kristu Bon Wardador ta bias ku un tiki lèf ku nan sa den kua bebida tin alkohòl. Tambe nan sa ku nan ta bira fuma di alkohòl. Tòg un mucha di 11 aña ta bisa despues di un lès tokante uso di alkohòl, ku e no tabata sa ku tin asina tantu alkohòl den Smirnoff.
E muchanan aki i tambe muchanan den grupo 8 di otro skolnan básiko na Boneiru ta sigui lèsnan den kuadro di e programa yamá B-Smart di e fundashon kua Kuido di Adikshon i Sikiatria na Hulanda Karibense (SV&P CN). Nan ta siña tokante e konsekuenshanan di uso di alkohòl I kon fásil nan ta drent den kontakto ku alkohòl.
Mayor
Ronald Coffy di SV&P CN a kombersá ku e muchanan tokante ki tipo di alkohòl nan a yega di bebe i kon fásil nan ta yega na alkohòl. Por a komprondé for di e kombersashon ku e muchanan ku nan sa informashonnan básiko tokante alkohòl. Tambe a sali na kla ku diferente mucha ta haña alkohòl bebe di sea mayor òf otro famia yegá na nan.
Kultura
Coffy: “Hopi ta wak uso di alkohòl komo parti di nos kultura. Na fiestanan di mucha tin alkohòl i tambe tin alkohòl den bolo pretu i bolo di kashupete. Tambe muchanan sa haña Ponche Krema pa bebe di nan mayornan mes. Nos ta siña e muchanan pa bisa nò kontra alkohòl.”
SV&P CN ta trahando riba un programa speshal pa mayornan. No por ta asina ku nos ta duna lès tokante uso di alkohòl I n akas nan por hañ’é trankil, asina Coffy ta bisa. “Ta bon ku nos ta kuminsá for di tempran ku prenvenshon.”
Outor Belkis Osepa