Patrick Illidge – potrèt: Today / Milton Pieters
PHILIPSBURG – Riba e último dia di e proseso Bada Bing tabatin deklarashonnan emoshonal di e sospechosonan, pero e pregunta di dia a bini di wes Maria Paulides ku a puntra e abogadonan pakiko e kas di prostitushon no ta atraé hende muhé lokal pa bin traha.
Patrick Illidge den su último palabra ta bisa korte ku e kaso kontra dje ta persepshon. “Aña pasá mi no a partisipá na elekshonnan pa motibu di integridat”, e ta bisa. “Mi no ker a pone preshon riba parlamento òf konseho di minister.”
Lagrima
Illidge ta bisa ku komo presidente di i komishon di hustisia parlamentario el a fòrsa e legislashon di BOB pa pasa. “Mi tabata ke pa OM haña mas instrumento di rastreo.”
E èks minister a hera di basha un yoramentu ora el a bisa: “Wak kiko e kos aki a hasi ku mi bida. Nunka mi no a haña un chèns honesto. Nunka mi no a wak kiko mi por haña, solamente kiko mi por a duna.”
Segun lei
E fókùs di e proseso tabata mas riba trafikashon di hende muhé ku riba sospecho di soborno manera e investigashon a kuminsá na 2013. Manager di Bada Bing Krijn van der Brug a puntra kiko el a hasi robes, pasobra e ta hasi tur kos pa e club segun lei.
“Pakiko bo no ta atraé hende muhé lokal pa bin traha” wes Paulides a puntra, i abogado Cor Merx a kontestá “Bo no ke mira bo mes yu muhé ta kologá na e palu ei na Bada Bing, no ta bèrdè?”
Duele
Jaap van den Heuvel a ekspresá duele di loke el a kousa Illidge i su manager ku e vidio repudiabel. “Ami no mester ta aki, pero nan sigur no mester ta aki. Mi tin masha bergwensa di esaki.”
Korte ta sentensiá djabièrnè 6 di mart.
Outor Hilbert Haar