Kenneth Valpoort – potrèt: Dulce Koopman
WILLEMSTAD – Trahadónan den sektor di horeka ku beneplásito a tuma nota ku Parlamento a aprobá e inisiativa di lei di partido politiko PAIS, pa prohibí humamentu di produktonan di tabako entre otro den sitionan públiko. Siman pasá Staten a aprobá e lei ku mester protehá hendenan ku fuera di nan alkanse ta eksponé na e peligernan di humamentu pasivo.
Kenneth Valpoort, sekretario general di sindikato Horecaf a menshoná ku e sindikato tambe a lucha hopi tempu pa logra e prohibishon aki, ku ta perhudiká tambe trahadónan den e sektor.
Dulce Koopman den kombersashon ku Kenneth Valpoort
E libertat pa huma tabako ta keda eksistí den airu liber òf ambiente propio di trabou, sín ku ta e ta afektá e sistema di bida salú di no-humadónan. Violadónan di e lei por haña un but di maksimalmente 5 míl florin. E lei ta drenta na vigor denter di 6 luna.
Outor Dulce Koopman