Win Ignacio – potrèt: Dulce Koopman
WILLEMSTAD – Pareu ku desaroyo di e asina yamá ‘Boardwalk Piscadera’, mester krea mas seguridat i vigilansha pa tantu turista komo lokalnan ku ta bishitá e area. Djamars tabatin ‘groundbreaking’, dje proyekto Boardwalk Piscadera, di kua e restaurant konosí Awa di Playa ku ta eksistí 25 ana, tambe ta forma parti. Win Ignacio ta propetario di Awa di Playa.
Minister Earl Balborda ta konsiderá Win Ignacio komo e personal i Luis Correa, direktor di BSL, komo e dos invershonistanan importante dje proyekto aki. Di e forma aki e minister a ekspresá apresio pa e trabounan ku Win Ignacio a desplegá durante 25 aña na Piscaderabaai.
Den kombersashon ku Dulce Koopman, Win Ignacio a komentá riba e proyekto
Den e proyekto anterior na Piscaderabaai , a habri un kaya ku ta konektá, di manera ku entre otro e hotèl dje desaroyadó di projekto BSL, ta bira alkansabel. Tambe a krea espasio amplio pa stashoná vehíkulo den e area aki.
E proyekto di Boardwalk ta konsistí di entre otro un kaminda ku ta kondusí na beach, asera pa peaton, un tualèt públiko i fasilidatnan pa elektrisidat, awa i rioleren pa futuro desaroyonan. Tambe lo kuminsá traha riba konstrukshon di e restorant nobo pa Awa di Playa. Den e siguiente fase ta krea fasilidatnan rekreativo riba e awa di Piscadera Baai.
Outor Dulce Koopman