Shary Schoop – potrèt: Dulce Koopman
WILLEMSTAD – Konvensí dje hecho ku un bon preparashon ta esensial pa e éksito di studiantenan na Hulanda, Hogeschool Rotterdam ta ehekutá e proyekto ‘Subi Jet pa bo Get’. Di e forma aki e skol altu ta pone hopi énfasis riba guia dje studiantenan, promé ku nan pone pia riba Tera Friu.
Inisialmente, na aña 2007, Hogeschool Rotterdam a manda un representante Kórsou, pa guia e studiantenan ku ta bai studia na e skol. Na Hulanda, vários studiante a indiká ku nan ta sinti falta di un bon preparashon promé ku nan bai studia. Hogeschool Rotterdam a kuminsá ku e trayekto di preparashon na Kòrsou ku e meta pa evitá ku e hóbennan ta yega na e skol ‘kuru’. Durante dje trayekto, e studiantenan ta haña training di preparashon, ku énfasis riba entre otro bida di studiante na Hogeschool Rotterdam.
Shary Scoop den kombersashon ku Dulce Koopman
Riley Goedgedrag tabata e promé persona ku tabata guia e studiantenan di Hogeschool Rotterdam, ku ta prosedente di Kórsou. For di aña 2007 e ta enkargá ku e proyekto Subi Jet pa bo Get na Korsou. Entretantu el a pasa e tarea pa Irene Kastaneer.
Na Hulanda tin kontinuashon dje programa di preparashon, pa medio di e proyekto titulá Antuba. Antuba ta sigi ku e proyekto i kada un dje hóbennan ta haña sosten na Hulanda, durante di henter nan trayekto di estudio.
Tur studiante ta bin na remarke pa sigui e trayektonan di preparashon i guia na Korsou i Hulanda. Irene Kastaneer a splika ku SSC ta na altura di Subi Jet pa bo Get ku nan ta tene kuenta ku otro. Hogeschool Rotterdam tin sinku enkuentro i SSC ta hasi e trayekto general i mas largu.
Un dje tópikonan ku e studiantenan ta haña durante ‘Subi Jet pa bo Get’, ta kiko nan por spera ora ku nan ta biba riba nan mes. Tambe ta prepará nan pa traha den grupo i karga nan responsabilidat. “Atendé ku tempu liber i finansa i diskutí riba e kosnan ku por influenshá e studiantenan pa neglishá nan estudio”, tambe ta haña atenshon, segun Irene Kasteneer-Lourencia.
E hulandes tambe, un dosente hulandes a bin Korsou pa wak kon ta para ku e hulandes dje futuro studiantenan di Hogeschool Rotterdam. Tambe a evaluá kon por prepará nan mas mihó te ora ku yega e momentu pa nan bai Hulanda.
E ofisina di Hogeschool Rotterdam ta situá den e edifisio di Howard Johnson na Brionplein i tur enkuentro ku e studiantenan ta tuma lugá na e sitio aki.
Outor Dulce Koopman