KITLV na Leiden bou di maneho di prof. dr. Gert Oostindie (meimei) ta hasi un investigashon grandi di e partinan karibense di reino: drs. Stanley Mac Donald, drs. Sanne Rotmeijer, dr. Jessica Vance Roitman i dr. Wouter Veenendaal

KITLV na Leiden bou di maneho di prof. dr. Gert Oostindie (meimei) ta hasi un investigashon grandi di e partinan karibense di reino: drs. Stanley Mac Donald, drs. Sanne Rotmeijer, dr. Jessica Vance Roitman i dr. Wouter Veenendaal

HILVERSUM – Sientífikonan ta hasi un investigashon grandi di e islanan anteriormente antiano di e situashon polítiko, media, historia i kultura. Koninklijk Instituut voor Taal-, Land- en Volkenkunde (KITLV) ta haña sigur 750 mil euro p’esaki.

Bou di polítiko i amtenar na Den Haag tin nesesidat di konosementu di e islanan pa por traha maneho pa e munisipionan karibense. Gobièrnu di Reino tin un sinku mion euro asina disponibel pa investigashon. E resultadonan di e investigashon mester aklará kon por konsiliá diferenshanan kultural entre Hulanda Oropeo i Hulanda Karibense.

E investigashon di KITLV ta trata kuater tema: herensia kultural, polítika, media i historia. Lo studia e situashon polítiko na e islanan i e medianan lokal di notisia. Tambe e sientífikonan lo investigá migrashon i historia sosial di Islariba, algu ku aktualmente no ta masha konosí.

Ta kasi binti aña pasá ku sientífikonan a investigá opinion na e islanan. “Hulanda ta negoshá ku polítiko antiano i por tin un diferensha grandi entre loke e polítikonan ei ta haña i loke pueblo mes ta pensa”, sientífiko Wouter Veenendaal ku ta responsabel pa e sondeo ta bisa. Tambe lo investigá kon ta pensa tokante korupshon i e gobièrnu di e islanan.

Media
Ta algu úniko ku un sientífiko ke kana huntu ku e diferente redakshonnan di notisia riba e islanan pa opservá djaden kon e redakshonnan ta hasi nan eskohonan. “Mi ta espesialmente interesá kon e poblashonnan ta forma nan propio identidat den relashon ku Hulanda”, investigadó Sanne Rotmeijer ta konta. Pero mi ta bai investigá media nobo tambe manera Twitter i Facebook, kon hende ta trese notisia di i tokante e islanan. Tambe kon hulandesnan karibense ta hasi esaki for di den eksterior.”

Un di e kuater sientífikonan ta di Kòrsou i e tempu binidero e ta bai okupá su mes ku e manera ku ta pensa tokante naturalesa i herensia kultural. Serka e tema aki tambe ta manera deskonfiansa bou di pueblo ta hunga un papel grandi. “Bo ta ripará un sorto di yalurs riba e islanan. Bo ta mira ku ta espesialmente strañeronan ta aktivo den kondservashon di naturalesa i herensia kultural, pero bo no ta mira hende lokal i strañero koperá ku otro dje lihe ei”, segun Stacey MacDonald. Ta su tarea pa investigá kon e hendenan lokal i e migrantenan riba e islanan por konsiliá nan diferenshanan kultural.

Islariba
E historia sosial di e islanan Sint Maarten, Saba i Sint Eustatius no ta masha konosí. Sientífiko Jessica Vance Roitman den e tempu binidero lo studia migrashon, gobièrnu i kon e habitantenan ta forma nan identidat riba e islanan aki. Meskos ku e tres oro sientífikonan, Roitman a bishitá e islanan na yanüari. Banda di e Archivo Nashonal na Kòrsou na Islariba el a topa hopi dokumento úniko i importante ku kasi ta grita pa un bon konservashon. “Den e lunanan binidero lo mi skibi artíkulo ku ta trata di sklabitut i emansipashon na Islariba”, Roitman ta bisa.

Outor John Samson