Dokter Sam de La Fuente
WILLEMSTAD – Sentro di Kurason di SEHOS a kuminsá trata pashèntnan di eksterior i ta spera ku pronto e ta haňa pashènt for di islanan BES tambe. For di yanüari 2014 e Sentro di Kurason na Kòrsou ta operashonal. For di e tempu ei te ku awor, a yuda kasi 450 pashènt lokal.
Esaki ta loke ku e sentro a spera tambe ora ku ela habri. E ambishon dje sentro pa haňa pashènt for di eksterior, tambe ta birando realidat. ‘Hartcentrum’ ta situá na e piso abou di SEHOS.
Duna servisio 24 ora pa dia ta un adelanto grandi, pasobra ni den mayoria pais desaroyá, no tin e servisio aki, manera ta e kaso na Merka, den kaso ku ta trata di un área tiki poblá. Dòkter de La Fuente a splika ku awor Kòrsou su servisio pa pashènt di kurason, ta igual ku esun na Hulanda, i algun pais oropeo. ‘Sobrá di mundu no por duna e servisio aki’.
Dòkter de La Fuente ta kontentu tambe ku e relashon di trabou entre e kardiólogonan i Hartcentrum. E sentro ta dependé kompletamente dje kardiólogonan ku ta referí e pashèntnan, pasobra e sentro mes no ta funshoná komo Poli. “E koperashon ta bai hopi bon”, asina dòkter de La Fuente a konkluí.
Outor Dulce Koopman