Minister Plasterk ta papia ku Ronald van Raak (SP) – potrèt: Jamila Baaziz
DEN HAAG/AMSTERDAM – Un mayoria masha grandi den Tweede Kamer a aseptá e intenshon pa investigá e fluhonan di plaka na Kòrsou i Sint Maarten. E parlamentario di SP Ronald van Raak a entregá e moshon siman pasá.
Van Raak: “Mi ta masha kontentu ku a aseptá mi moshon i ku awor lo bini un investigashon di fluhonan di plaka riba e isla. Na 2006 poko poko mi a kuminsá e preparáshonnan i esaki ta e korona riba e obra. Mientrastantu ku e islanan ta parti di reino nos tin un sierto responsabilidat pa nan.”
Oudiensia públiko
No a aseptá un di dos moshon di Van Raak. Van Raak ke pa e denunsiantenan di Veiligheidsdienst Curaçao (VDC) bini Hulanda pa privadamente tende nan huntu ku e komishon di Relashonnan den Reino. Na 2011 riba òrdu di e tempu ei promé minister Gerrit Schotte informashon sekreto lo a kai den man di kriminalnan.
Minister di Asuntunan Interior i Relashonnan den Reino (BZK) Ronald Plasterk a deskonsehá esaki. E ta haña ku ta bai muchu leu pa laga parlamentario interogá miembronan di un servisio di seguridat strañero. Si tabata kontrali tampoko lo e no tabata ke intromishon strañero, el a bisa siman pasá. Tin bisá ku ta e denunsiantenan mes a pidi un kombersashon asina.
Otro posibilidat
E miembro di SP no ta laga e idea bai kompletamente. “Tòg mi ke wak si no tin otro posibilidat. A hòrta informashon di AIVD, FBI i DEA i bo no por aseptá esaki. Asta ta posibel ku te ainda ta lèk informashon ku ta kai den man di kriminal.”
Outor Pieter Hofmann