Sheila Tromp y Maroushka Cornelie di sindicato na caminda pa reunion cu minister di Enseñansa, cu tras di nan un grupo di docentenan preocupa – foto: Ariën Rasmijn
ORANJESTAD — Despues cu siman aki cabesante di un scol basico a wordo agredi malamente na pia di trabou dor di un grupo di hoben, docentenan a bay den accion. Hopi di nan ta sinti cu nan no ta haya apoyo di instancianan ora cu tin casonan di agresion contra nan na scol, sea di alumnonan of mayornan.
Ayeratardi, esaki a culmina den acuerdonan nobo hunto cu minister di Educacion Michelle Hooyboer-Winklaar pa un protocol di conducta y mas siguridad pa docentenan na scol.