James Kroon ta keda den Bestuurscollege
KRALENDIJK – Clark Abraham i Benito Dirksz ta bira diputado den e Bestuurscollege sostené pa e koalishon Demokrat-UPB. James Kroon ta keda sintá komo diputado pa UPB. Djadumingu anochi Demokrat a presentá su dos kandidatonan pa diputado na su reunion general i nan a keda aseptá.
Manera ta konosí, djabièrnè último Demokrat i UPB a firma un akuerdo di gobernashon, despues di masoménos dos siman di negosiashon. Esaki a sosodé na momentu ku negosiashonnan entre MPB i Demokrat a frakasá. Clark Abraham, kende a bira e polítiko ku mas voto popular den e último elekshon, no tin eksperensia den aparato públiko.
El a traha solamente den sector partikular, meskos tambe ku Benito Dirksz, kende ta direktor di entre otro e kompania Special Security Services (SSS). UPB a opta pa laga James Kroon keda diputado. Awe nochi den un reunion di Konseho Insular e tres diputadonan lo huramentá.
Fuente Èxtra Boneiru