Huntu ku Platform Dierenwelzijn Curaçao, OM entre otro via social media lo yuda rastreá maltrato di bestia

Huntu ku Platform Dierenwelzijn Curaçao, OM entre otro via social media lo yuda rastreá maltrato di bestia

WILLEMSTAD – Si kòrta un kacho su rabu kit’afó òf laga e bestia para oranan largu den solo sin awa, esaki por bin kosta e doño míles di florin. Segun e bosero di Ministerio Públiko Norman Serphos awor OM tin klaridat di kiko ta kastigabel i nan lo bai apliká esaki. “Semper nos por a imponé sankshon, pero ainda no tabatin e inventarisashon.”

Awe meinta Serphos, fiskal mayó Heiko de Jong i fiskal Clarelli Hato-Willems di Hustisia a reuní ku diferente organisashon di bestia.

E mas importante segun Serphos ta ku ta denunsiá maltrato di bestia. “Si tin denunsio nos por aktuá, pero un denunsio ta mas ku un akusashon. E resultado mester ta un kondena i e ora ei nos por duna sankshon. Seka un bon denunsia mester tin potrèt òf vidio i deklarashon di testigu. Sin esaki ta imposibel ku lo por kondená un maltratadó.

Asistensia di denunsio
Huntu ku Platform Dierenwelzijn Curaçao (Plataforma di Bienestar di Bestia Kòrsou) OM entre otro via social media lo yuda rastreá maltrato di bestia. Nan ke duna tep i si ta nesesario yuda ku e kolekshon di material di prueba. “Tin hopi kaso ku ta pidi atenshon di OM, pero nos ke bisa klaramente si ku maltrato di bestia ta kastigabel. Si laga un bestia sufri sin tin nodi esaki por resultá den un but den e di dos kategoria: míles di florin.

Outor Elisa Koek