Lydia Emerencia – Potrèt: Extra Bonaire
KRALENDIJK – Ounke tin un direktiva nobo, trankilidat no a regresá ainda na Scholengemeenschap Bonaire (SGB). Krítika riba Emerencia ta krese.
Siman pasá e eks-presidente di e direktiva Frans Lauxen a tira zeta riba e kandela atrobe ku un atake públiko riba e forma di aktua di e ministerio di Enseñansa, Kultura i Siensia (OCW) i ku un yamada pa sostené e plan pa mehoransa ku Lydia Emerencia a traha.
Petishon
E plan pa mehoransa ei ta konta ku sosten di mas ku 700 mayor, dosente i otro habitante di e isla. Di forma anónimo nan a firma un petishon ku ta wardá serka deurwaarder Juan Peter Silberie. E mes no tin yu na SGB. Tòg el a haña e akshon importante.
“Pa mi trabou mi ta yega hopi na kas di hende, mi a tende hopi keho riba kon Hulanda ta mete ku enseñansa. Dos dosente i un mayor a djòin. E ora ei nos a pèrsistí. No a pasa niun lista na skol. Esun ku ke firma, por bèlmi.”
E grupo ta di opinion ku e plan pa mehoransa ku Emerencia a traha ta ‘prometedor’ i ku por ehekut’ é hasiendo algun ahuste nesesario. A ofresé gezaghèber Edison Rijna e firmanan.
Esei no ta kita ku den e skol por skucha krítika fuerte tambe riba Emerencia, ounke niun hende no ke bini den publisidat ku esei, pa miedu di pèrdè trabou.
Kolaboradornan krítiko
Kaminda e eks-miembro di direktiva Lauxen tin konfiansa den e kualidatnan di Emerencia, kolaboradornan krítiko ta bisa ku e direktor general interino “no ta kapas pa skucha otronan, sigur nò ora esakinan no ta di akuerdo kuné”.
Segun nan, a para tur forma di inovashon i mehoransa na SGB i e plan pa mehoransa falta un análisis sólido òf un plan di ehekushon realístiko.
E skol a bira un burokrasia ku ekseso di hende na kabes mientras di baina a dediká atenshon na e organisashon diario di e enseñansa. Kaimentu afó di les ta algu diario. Solisitutnan no ta transparente: “Ta tuma hende na nivelnan haltu den e organisashon pa ehekutá plannan, ku tin biaha ta konkreto i tin biaha ta vago, ku ta pega den e lodo di práktika. Ta pone e hendenan akí sin solisitut habrí riba nan puesto i nan ta haña e palabranan ‘ad interim’ dilanti di nan nòmber.
E atmósfera di trabou na SGB, kaminda polarisashon a oumentá, a yega un punto hopi abou, segun e grupo krítiko.
A apuntá Lydia Emerencia, eks-gezaghèber di Boneiru, na ougùstùs 2014 komo direktor general interino na SGB. Frans Lauxen a retirá despues di aparishon di un rapòrt di inspekshon krítiko riba e aktuashon di direktiva na SGB. Karel Visser, e doño di Karel’s Beach Bar, ta presidí e direktiva interino di e skol for di medio aprel.
Outor: Janita Monna