Publiko na El Tributo – potrèt: Dulce Martiszoon
WILLEMSTAD – Taboe mira morto ta birando menos. Haidel Haile direkor di El Tributo ta konvensi ku diskushon riba morto i topikonan relatá poko poko ta ha un ‘luga’ den nos komunidat.
Aspektonan di entre otro herensha i importansha di trahamentu di un testament ta asuntunan ku poko poko hendenan ta kuminsa realisa ku ta importante pa regla.
E sigiente reportahe ta di Dulce Martiszoon
Ainda komunidat falta hopi informashon riba e topiko aki. Mester realisá ademas ku e pensamentu ku bo ta traha un testament pasobra bo ta bai muri ta eroneo i kompletamente antikuá.
Ora ku morto kai i e asuntunan no ta reglá den por ehempel un testament, e situashon aki por bira hopi ferfelu i kompliká. Andre Gosselaar, kandidaat-notario, a splika ampliamente e bentahanan di trahamentu di un testament. Na kualke momentu por traha un testament.
Resientemente El Tributo, den kuadro di re-apertura di un sala remodelá a organisa un eksposishon titulá: ‘Selebra bida te na final’. E interes pa e aktividat a demostrá ku enberdat atende ku asuntunan ku tin di haber ku morto ta birando akseptabel.
Outor: Dulce Martiszoon