Un desfile chikitu a kana huntu for di aeropuerto te na e kas mortuorio – potrètnan Ariën Rasmijn

Un desfile chikitu a kana huntu for di aeropuerto te na e kas mortuorio – potrètnan Ariën Rasmijn

ORANJESTAD – Famia di Mitch Henriquez ke hustisia. Nan no a bisa ainda na ki manera, pero ruman muhé Lila djamars despues di yegada di e kurpa na Aruba i e marcha di silensio ku a sigui a bisa lo siguiente:

“Aworakí e prioridat ta pa dera mi ruman hòmber. Despues nos ta bai buska hustisia. Esei ta e siguiente paso”, Lila ta bisa den un spich kòrtiku na e kas mortuorio Aurora kaminda e marcha silensioso a bai for di aeropuerto. Mas o ménos shen hende ta kana huntu despues ku e avion ku Mitch su kurpa a baha.

Mama Maria i su dos yu muhénan ta kore den un outo tras di e waha di morto i sobrá hende ta sigui na pia. Hopi di nan tin un t-shirt bistí ku teksto manera ‘Justice for Mitch’ i ‘Rest in peace’.

Kastigá
Cathrien Theophile ta sinta kant’i kaminda i e ta rabiá. “Nan mester kastigá e polisnan. Kon por ta ku e polisnan ta kana rònt liber manera abo i ami?” E ta haña ku e polis arubano ku ta bou di menasa mester a sa mihó. “E ta un di nos. Kacho no ta kome kacho.”

Emoshonnan ta haltu ora Maria baha for di outo na e kas mortuorio i brasa su ñetu, e yu hòmber di Mitch di 13 aña ku tambe a bini for di Hulanda. Despues famianan i amigunan ta bai paden. Ruman muhé mayó Lila ta gradisí esnan presente pafó pa nan sosten pero ta pidi ku insistensha pa laga e famia na pas awor.

henriquez4

 
Un famia di Den Haag ku a kaba di bin biba na Aruba tambe ta kana den e marcha. E yu di mas hóben a traha un dibuho. “Ta duel mi ku Mitch a muri”, e mucha muhé ta bisa. Su mama ta bisa ku e tabata biba serka di Zuiderpark. “Hopi be mi tabata mira den tram ku nan tabata gara espesialmente hende koló skur.” Segun e ta pasobra Hulanda a ‘enduresé’ i a bira ‘derechista’.

 
‘Hòmber históriko’
Su yu muhé ta duna Ella Arends e dibuho, kende ta bisa ku e ta masha será ku famia Henriquez for di tempu ku nan a bira bisiña na Hulanda. E konosé Mitch fo’i na mucha. “Lo e bira un hòmber históriko, den buki òf imágen. Kisas e tabata skohé pa drecha violensia di polis. Di tur manera e ta spera ku lo duna e polisnan kulpabel retiro.

 
Djaweps ta dera Mitch.

 
Outor Sharina Henriquez

henriquez2