Riba 2 di yuli 2012 a haña Vivica Spong morto den su kas na Utrecht. E tabatin 8 luna na estado.
ARNHEM – Den apelashon atrobe a apsolbé e sospechoso di 44 aña Mark van Dorp di e asesinato dòbel di Vivica Spong i nan yu ku no a nase Julian. E sentensia a kousa emoshonnan fuerte serka e mayornan di Vivica.
“Godverdomme”, Rob e tata di Vivica ta grita den korte ora wes kaba di papia. E ta bati su moketa riba mesa. “Asesino!”e ta manda pa Van Dorp, ku ta sali e sala sin bisa nada. Pafó demas famia i amigu ta ward’é. Ministerio Públiko (OM) a pidi 20 aña den prizòn.
Prueba insufisiente
Korte ta pone hopi balor na e prueba forénsiko, ku no ta mustra ku Spong i su yu a fayesé pa medio di un krímen. Van Dorp no tin un motibu tampoko segun korte, ounke ku OM tin otro idea di esaki. Su abogado Willem-Jan Ausma ta papia di un konsekuensha lógiko. “No tin sufisiente prueba.”
Korte ta haña ku Van Dorp, ku su deklarashonnan mentiroso, a pone sospecho pisá riba su persona. E tabata presente ora su komprometida a fayesé den nan kas na Utrecht na yüli di 2012. Anteriormente el a buska riba internet ‘ta kon mester kibra un hende su garganta’, ‘respirashon di ethanol’ i ‘killing without a trace’. Tambe el a skonde un karson di abou ku marka di sanger. El a ahustá su deklarashonnan diferente bes.
‘Kompletamente inkomprendibel’
Famia Spong ta den shòk i abatí, nan abogado Sidney Smeets ta bisa. “Ta un shòk pasobra ta un apsolushon totalmente inkomprendibel. Korte ta bisa: bo a gaña pasobra bo tin algu di skonde, pasobra bo tabata t’ei ora el a fayesé. E úniko paso ku nan no a tuma ta di bisa: bo a mat’é. Pero pa nos si e kos ta kla, pasobra ta kon el a muri antó?”
Ministerio Públiko segun Smeets ta kontemplá pa rekurí na kasashon, pero promé e ke studia e sentensia.
Outor Pieter Hofmann