Zeildó Philipine van Aanholt – potrèt: Pieter Hofmann
AMSTERDAM – Zeildó Philipine van Aanholt (23) na 2012 a debutá den weganan olímpiko na Londen. Ku esaki el a sigui ehèmpel di su tata Cor ku na 2000 a partisipá pa Antia na Sydney.
Van Aanholt tabata nobato dia ku el a zeil na weganan olímpiko. “Ora m’a kalifiká pa Londen, mi mester a traha masha duru i unabes einan mi tabata kasi morto kansa. Apénas mi tabata sa kiko mas mi mester a hasi. Awor mi sa mihó pakiko mi ta hasi e kos aki i kon mi mester hasie. Mi sa mihó kon mi mester trein físikamente, antes mi tabata hasi kiko ku ta. Mi a bira mas profeshonal.”
Skohe
Na 2010 Kòrsou, kaminda Van Aanholt a lanta, a pèrdè su lisensia olímpiko ora ku a anulá Antia Hulandes. P’esei na Londen el a partisipá komo atleta independiente., despues e mester a skohe si den futuro e ke sali pa Hulanda òf pa Aruba. Van Aanholt a skohe e último. “Nunka mi no a duda. Mi a lanta na Kòrsou, ta ei mi a siña tur kos i semper mi a gosa di kompetishon den Área Karibense. Por ehèmpel lo mi no por a partisipá na Weganan PanAm. Mi ta sinti mi mas antiano i arubano ku hulandes.”
Hulanda tin mas konosementu di zeil. Semper mi ta investigá tur kos mi mes – material, treinen, kuminda – espesialmente huntu ku mi mayornan”, Van Aanholt ta bisa. “Nos tin ménos konosementu, pero mi gusta ku mi por disidí hopi kos mi mes. Nos tin menos moda tambe. Por ehèmpel e fisioterapista no por bai tur evento ku nos.”
Regulashon ekstensivo
Serka Oranje tur kos ta regla pa e deportistanan. Esaki tin desbentaha tambe; e skemanan di trein i kompetishon ta basá riba esnan di zeildó hulandes eksitoso, pero no ta tene kuenta ku e último añanan Van Aanholt a studia siensia empresarial. Na Oranje un deportista mester a trein un sierto kantidat mínimo di dia pa un kompetishon, loke tin be no por si tin un tentamen importante. E arubanonan ta mas fleksibel.
Despues ku el a kaba di studia kaminda a habri pa e bai zeil fulltime. Esaki a pon’e pasa na Kampionato Mundial, Weganan PanAm i kampamento di treinen riba henter kontinente merikano. “E aña ku a pasa aki m’a biba un bida ekstrabagante. Mi a biaha asina tantu ku mi tabata di biahe 38 dia.”
Philipine van Aanholt den akshon na Weganan PanAm na Toronto
Rio de Janeiro
Otro aña weganan olímpiko ta tuma lugá na Rio de Janeiro. E no ta ekspresá su ekspetativanan masha. “Bo no por bisa: mi ta bai sali di 15 òf di 30. Si tin un tiki bientu mi tin hopi mas chèns, pasobra e wega ta mas bien táktiko i no físiko. Ke men, loke mi ta ferwagt ta ku mi t’ei i ku mi ta kla.”
Pa mi e Weganan ta un éksito si mi por mustra e miho ku mi por. Pero mirando for di e perspektiva arubano: nunka un hende di Aruba no a kalifiká sin wildcard. Si nos para einan ku un par di atleta ku a kalifiká ‘di bèrdè mes’ esei so ta históriko kaba.”
Van Aanholt a logra di kalifiká pa weganan olímpiko di otro aña na Rio de Janeiro. Na Weganan di PanAm na Toronto el a sali number kuater i ku esaki el a sigurá su mes di su di dos partisipashon olímpiko.
Outor Pieter Hofmann