Lio Plantijn – potrèt: Dulce Koopman
WILLEMSTAD— Enseñansa speshal den e aña eskolar nobo ku ta kuminsa e siman aki mester haña atenshon dirigí. Sitek, e sindikato ku ta representá personal di enseansa ta boga pa entre otro un trayekto di rekpasitashon pa personal di enseňansa.
Presidente di Sitek, Lio Plantijn ta menshoná ku despues ku portanan di skol habri e siman aki, tin varios asuntu ku mester atende pa e trahadonan den enseñansa. Un di e asuntunan ku ta hopi urgente ta e kalidat di enseňansa speshal i futuro dje alumnonan ku kaba enseñansa speshal.
Dulce Koopman den kombersashon ku Lio Plantijn
E aña eskolar nobo ta bira un aňa di hopi reto, pasobra Sitek ta konvensi ku tin varios asuntu ku no a haňa solushon aña pasá. Esei ta nifika ku e bia aki si di berdat partnernan den enseňansa mester traha huntu. Lio Plantijn a referi na direktivanan di skol, Asosashon di Mayor Rema Uni, Sitek i Ministerio di Enseñansa.
Minister di enseñansa Irene Dick na e reunion general na klousura di aña eskolar, a bisa na Sitek, ku no tin sufisiente personal na e ministerio di Enseñansa. Plantijn: “Esaki ta nifika ku nos tur den enseňansa mester bai duna un man pa realisá e kambionan”.
Otro luna Sitek ta organisa un seminario ku partispashon dje dos universidatnan na Kòrsou i CBS, lo traha un dokumento kaminda ta formula tur aspekto di enseñansa ku tin mester di atenshon.
E cao nobo pa personal den enseñansa tambe ta un puntonan altu riba agenda di Sitek durante ora ku skol habri. Ta e intenshon dje sindikato pa pone preshon riba gobièrnu pa konkretisá e asuntu aki. Entre otro lo hasi un apelashon na e maestronan pa kumpli estriktamente ku nan tarea i no hasi nada èkstra, te ora ku konkretisá e negosashonnan ku gobièrnu.
Outor Dulce Koopman