Mucha ta hunga na akohida despues di skol na sentro di bario di Antriol – potrèt: Janita Monna

Mucha ta hunga na akohida despues di skol na sentro di bario di Antriol – potrèt: Janita Monna

KRALENDIJK – Despues ku Bestuurscollege kuminsamentu di ougùstùs a terminá e kòntrakt di kuido ku fundashon Fesbo pa motibu di mal maneho, hopi tempu no tabata kla si na kuminsamentu di e aña di skol nobo lo tin akohida despues di skol. Awe a kalkulá ku a haña un solushon.

Ta djaluna atardi. Normalmente lo tin mucha ta kologá den e rèkinan di subi di Sentro di Bario di Nort’i Saliña. Ma awe ta ketu. Pasobra skol por a kuminsá, pero akohida despues di skol sí no tin e siman aki ainda.

Temporario
Esaki otro siman lo ta diferente, Ally Pourier di direktiva komunidat i kuido ta bisa ora e kana sali e sentro di bario. “Awe tardi nos a tene deliberashon ku e èks trahadónan di Fesbo i ku e fundashon ku lo atendé e akohida temporariamente.”

E mitar aña binidero Fundashon Guia Profeshonal pa Mucha lo tuma e tareanan di Fesbo ofer.
E fundashon ta eksistí un aña kaba i entre otro ta manehá e akohida di mucha Arco Iris, ku ta keda na skol básiko Reina Beatrix.

E èks trahadonan di Fesbo por lo pronto lo keda den servisio. “Nos tabata prekupá si”, un di nan ta bisa. “Ora nos no a haña nos salario na yüli, nos tabata sa ku algu no ta bon. Promé ku esei nos tabatin un programa normal di fakansi grandi.”

E trahadó ta konta ku e siman ku a kaba masha hopi mayor a yam’é, ku tin yu ku tabata bai Tra’i mèrdia, e programa di akohida despues di skol di Fesbo. “Mayornan ta konta ku e akohida aki. Nan a asta pidi mi si mi por wak nan yunan na mi kas. Nan no por bai otro kaminda asinasina. Nan no por paga esei.”

Naturalmente e ta kontentu ku e seis lunanan aki e tin trabou, ku e por paga hür i hasi kompra, pero, e ta bisa: “Ta espesialmente importante ku e muchanan por bini atrobe.

Reorganisá
E akohida ta seif pa término korto pero segun Pourier esaki no ke men ku gobièrnu lo sinta ketu. “Tantu sentro di bario komo akohida despues di skol ta kai bou di maneho di Fesbo. Nos ta bai wak kon nos por reorganisá tur dos. Akohida despues di skol ta un responsabilidat di gobièrnu. Nos tabata prekupá e último simannan. Pasobra aña di skol ku a pasá tòg ta un tresshen mucha, di Playa te Rincon, tabata hasi uso di e akohida aki.”

Outor Janita Monna