Minister Ronald Plasterk durante un debate.
DEN HAAG – Konseho di Minister di Reino awe a duna Sint Maarten un instrukshon pa drecha e presupuesto. E isla te ku 2018 mester eliminá tantu atrasonan di pago (189 mion florin) komo défisitnan anterior (60 mion).
E isla entre otro tin difikultat pa paga e gastunan di penshunnan i kuido médiko. Sint Maarten ta haña te fin di 2016 pa tuma medida pa adaptá e sistema di kuido i penshun.
Fiansa
E instrukshon no ta bini komo sorpresa. Minister hulandes di Asuntunan Interno i Relashonnan den Reino (BZK) Ronald Plasterk i e Minister di Finansa di Sint Maarten Martin Hassink a topa ku otro anteriormente e siman aki. Hassink ke pa e isla por haña un fiansa pa pone òrdu na Belastingdienst. No a honra e deseo aki.
Poko tempu pasa Hassink a bisa ku ta tene Sint Maarten den un spiral ku ta bai abou si e no haña chens pa drecha Belastingdienst. Plasterk: “Na prinsipio esaki ta un responsabilidat di e pais mes, nan mes mester hasié.” E mandatario eventualmente ta dispuesto di manda personal spesialisá e isla si nan.
Adaptá presupuesto
Sint Maarten mester kambia e presupuesto promé ku 31 di òktober. Despues College financieel toezicht (Cft) ku anteriormente a husga negativamente tokante e presupuesto di Sint Maarten, mester evaluá e kambio.
Outor Pieter Hofmann