Kabes di skol Marion Lopez, entretantu a baha ku penshun | potrèt: Sharina Henriquez
ORANJESTAD – Riba 14 di aprel un grupo di hóben ta bati e kabes di skol di Colegio Santa Filomena na San Nicolas den plenchi di skol. Esaki ta okashoná akshonnan den enseñansa kontra formanan mas i mas ekstremo di insiguridat na skol. Gobièrnu ta forma un komishon i ta primintí akshon pronto. Despues di sinku luna a bira remarkablementu ketu atrobe.
E kabes di skol, Marion Lopez, no ke papia masha tokante di e atake mes pa motibu di e investigashon di polis, pero e ta mir’e si komo e ‘fòndu’ di su karera di 34 aña. E ta papia di e kantidat di insidente di violensia na skolnan ku ‘ta floresé i adultonan ku ta usa mucha pa nan aktividatnan kriminal, sabiendo ku no por duna mucha kastigu pisá’.
Banda di esaka direktiva di skol, gobièrnu i polítika mayoria biaha ta hasi algu te ora ku e skolnan mes hala atenshon di medionan di komunikashon ku nan akshonnan, e ta haña. Despues di e atake riba dje tambe a hiba akshon masalmente komo ekspreshon di sosten, pero espesialmente pa protestá kontra ousensia di solushon berdadero kontra e insiguridat na skolnan . Lopez a bisa ku e tabata kontentu ku e sosten. Ademas ‘su’ skol básiko awor tin vigilansha 24 ora. “Pero pakiko mester sosodé algu promé, pa despues numa tuma akshon?”
Protokòl
Un di e solushonnan ku e komishon di gobièrnu ta traha ariba aktualmente ta pa skibi un protokòl di kondukta. Lopez no ta mira e sentido di esaki; tin algu asina kaba, esta e protokòl Skol Seif. A traha esaki kuater aña pasá i gobièrnu, polis, Ministerio Públiko, fundashonnan i skolnan a firm’é pa trata insiguridat. Pero e realisashon di esaki no a sosodé nunka.
Outor Sharina Henriquez