Raldolf Huggins, sekretario general di Ofisina di Defensor di Pueblo ku Maritsa James-Cristina (man drechi) grefir di Korte Konstitushonal – potrèt: Ofisina di Defensor di Pueblo
PHILIPSBURG – Defensor di Pueblo Nilda Arduin di Sint Maarten ke presentá e lei ku ta regla establesementu di e Kámara di Integridat na Korte Kostitushonal. Esaki lo trese un retraso serio pa e lei drenta na vigor. Anteriormente e Defensor di Pueblo a presenta e Kódigo Penal nobo na Korte.
Defensor di Pueblo ta di opinion ku gobièrnu mester a presentá kambionan importante di lei na e Konseho di Asesoramentu. Esaki no a sosodé, pero no ta e opheshon di mas importante.
Inklaridat
Lei ta fòrsa otro hende ku no ta e tópiko di un investigashon, pa koperá ku investigashon di kámara di integridat. E partishonnan entre lei atministrativo i penal tampoko no ta kla segun Defensor di Pueblo.
“E kitamentu di protekshon legal kontra akshonnan di kamara di integridat ta afektá siudadano ku no ta envolví direktamente ku un investigashon”, Arduin ta bisa. Esaki por ta un infrakshon di e derechonan fundamental ku konstitushon ta ofresé siudadanonan.
Kamara di integridat a haña kompetensianan amplio pa por ehekutá su tareanan efektivamente. “Bou di esaki ta kai e kompetensia pa investigá akshonnan ku por ta un krímen, partimentu di but i asta kastigu di prizòn. E asuntunan aki ta regla den derecho penal. Pa ehekutá e kompetensianan aki via derecho atministrativo, sin ofresé e garantianan sufisiente ku derecho penal ta eksihí konstitushonalmente, ta Korte Konstitushonal mester husga”, asina Defensor di Pueblo ta haña.
Trapa
Arduin ta aploudí e idea di un lei ku ta trata di regla integridat di outoridatnan públiko. “Pero ta inaseptabel ku e mésun lei na mes momentu ta trapa e derechonan konstitushonal di siudadano.”
Outor Hilbert Haar