E refineria na San Nicolas – potrèt: Ariën Rasmijn

E refineria na San Nicolas – potrèt: Ariën Rasmijn

ORANJESTAD — Aunke cu e compania petrolero Citgo no tin mucho experticio den tecnologianan ecologicamente sostenibel, nan ta dispuesto pa inverti den esakinan den un posibel reapertura di e refineria na Aruba. Segun minister di Energia Mike de Meza kier haci uzo di diferente posibilidad, basta cu e operacion di e refineria mester keda viabel si.

Siman pasa na Houston, Texas a gobierno di Aruba firma e MOU cu Citgo, cual ta un compania subsidiario di e compania petrolero Venezolano PDVSA. E idea ta pa no mas tarda cu december yega na un decision pa tuma over e refineria y pa tuma over no mas laat cu maart otro aña.

Ariën Rasmijn den combersacion cu minister De Meza

Gobierno di Aruba for di comienso a duna di conoce cu si habri e refineria atrobe, su deseo lo ta pa haci esaki na un manera mas ecologicamente sostenibel posibel, cu poco emision di gasnan toxico y uzando tecnologianan moderno. Minister De Meza ta splica cu gobierno di Aruba kier pa e refineria opera riba gas en bes di fuel oil y haci uzo di alganan marino pa procesa e emisionnan toxico cu ta sali den productonan nobo.

Tambe uzo di energia solar pa cierto facilidadnan lo por bira un opcion Segun e mandatario, Citgo ya caba ta conoci pa ta un compania cu ta tene su mes estrictamente na maximonan di emision na Merca. Esey segun De Meza ya caba ta mihor cu un compania cu no ta tene su mes na e criterionan aki. Nan lo ta dispuesto pa papia cu gobierno di Aruba y expertonan pa yega na solucionnan cu lo haci e operacion di e refineria na San Nicolas mas limpi.

Autor Ariën Rasmijn