Judith Brekelmans i Shulaika Look – potrèt: Janita Monna

Judith Brekelmans i Shulaika Look – potrèt: Janita Monna

KRALENDIJK – Dia Shulaika Look a sali for di Hulanda pa bai biba Boneiru huntu ku su amiga, su ruman hòmber di: “Pakiko bo ta hasi bo bida asina difísil? Kasa ku un hòmber no.” Pero bon mirá fo’i na mucha Shulaika tabata sa ku ta muhé e gusta. El a tene esaki sekreto hopi tempu, pero for di edat di 23 aña no mas.

Huntu ku e inisiadó Judith Brekelmans i un kantidat di boluntario Shulaika ta aktivo den e fundashon EQ. E fundashon aki ta traha pa akseptashon di i toleransha pa lesbiana, homo, biseksual i transgender na Boneiru, e komunidat LHBT. Pasobra ounke t’asina si ku na Boneiru for di òktober di 2012 partner di sekso igual por kasa ku otro, esei no ke men ku homoseksualidat ta algu aseptá.

Iglesia i estado
Segun Sulaika hende na Boneiru kasi ta nase ku e idea ku homoseksualidat ta robes. Judith: “Ta un isla religioso. E divishon di iglesia i estado ta eksistí na nòmber, pero mester bendishoná kada edifisio nobo, mester habri kada reunion ku un orashon. Dosentenan na skol hopi be ta den misa; pa hóben ku ta lucha ku nan preferensia seksual ta difísil pa haña un hende pa papia kuné.”

Shulaika sa esaki for di su propio eksperiensha. Na Boneiru el a bai SGB. “Nan tabata tenta mi na skol, nan tabata yamá mi ‘machoro’. Anto mi tabata puntra mi mes: ‘Ta kiko nan ta mira na mi. Anto mi tabata hasi mi bèst pa skonde mas tantu ainda ku mi tabata gusta hende muhé.”

E no tabata papia e kos aki ku su mayornan, den iglesia mas i mas e no tabata sinti su mes bon. E domi por hasi masha fèrfelu. Na final mi mes a sali for di e komunidat di iglesia. Bo ta pèrdè amigu i bo bida sosial.”

Su mama a reakshoná lakónikamente ora ku Judith a kont’é: “Awèl kla, ta bon antó.” Judith: “Si bo por papia di esaki ku bo mayornan, bo sa ku bo ta sufisientemente fuerte pa hèndel un rechaso.”

Aparensia di toleransia
Nan tur dos hopi bia ta mira hende reakshoná ku : “Ta masha bon ku bo ta homoseksual, basta bo no bini na kas aki ku bo amigu òf amiga, òf basta bo keda bai misa ku nos.” Judith ta bisa ku esaki ta duna un aparensia di toleransia si, pero di loke ta trata berdaderamente, esei si no ta papia di dje.

Nan tin seis luna aktivo komo EQ. Entre otro nan ta organisá fiesta, mas o ménos 35 pa 40 hende ta bini. E zomer aki e fundashon a delegá un di su miembronan pa e Koninkrijksboot den Gay Pride di Amsterdam.

Na nòmber di EQ Shulaika lo ke duna informashon tokante homoseksualidat na e mésun SGB kaminda un tempu nan tabata tent’é. Pero te ainda e skol ta tene porta será. “Kisas e no ta riba nan lista di prioridat. Mi ta komprondé ku tin otro problema ku ta pidi atenshon. Pa hopi hende ta un kestion chikí, nan ta pensa ‘ai, kalke dia asina’. Pero promé ku bo sa b’a yega un generashon nobo atrobe.”

Problema sikososial
Judih a papia ku algun komunidat religioso na Boneiru. “Mi a konta kon tin hende por lucha ku nan sintimentunan homoseksual. I ku nan tin problema sikososial. Ku tin di nan asta ta kana rònt ku idea di mata kurpa. Despues di e kombersashon un hende di Iglesia Pentekostal a yama mi bèk, puntra si e asuntu di suisidio ta berdat, pasobra esaki no por ta e intenshon di e religion. E ora ei mi ta kontentu ku m’a pone un hende pensa.”

Outor Janita Monna