Minister Ronald Plasterk di Relashonnan den Reino – Potrèt: Dick Drayer
WILLEMSTAD – Mientrastantu ku e problemasia di refineria Isla ta riba agènda di Kòrsou i ta trahando tur ku tin riba dje, Trevezaal no tin nodi di trata e problema. Asina Minister Ronald Plasterk di Relashonnan den Reino a bedei despues di su bishita. “Tin ‘redress’ nashonal.”
Den un moshon di D66 i SP Tweede Kamer a pidi e mandatario pa proaktivamente, huntu ku Kòrsou, desaroyá senario pa pronto Kòrsou por tuma un desishon tokante refineria Isla.
Sosten
Plasterk gustosamente ke sostené Kòrsou i durante su bishita a hasi promé minister Ben Whiteman un oferta. Esaki a bisa ku e ta apresiá e oferta mashá. No a sali un pedido konkreto di banda di Kòrsou pa ekspertisa i sosten.
Último bia ku Tweede Kamer a pidi un aktitut pro-aktivo di minister tabata na 1997. E tempu ei Hulanda a ofresé ekspertisa pa limpia e lago di asfalt. Kòrsou a bisa si, pero nada no a sosodé.
“E moshon ei tabata promé ku mi tempu”, Plasterk a bisa. “Durante e tratamentu di e moshon aki awor, mi tabata sa kaba ku Kòrsou ta apresiá e tipo di kontribushonnan aki. Mi a sali for di e punto di bista kaba e tempu ei ku ta bini sosten na petishon di Kòrsou.”
Areglo di disputa
Otro luna kaba Plasterk ke kuminsá ku un areglo di disputa temporario pa e paisnan di Reino. Su proposishon ta enserá ku si tin opheshon kontra un desishon ku tabatin intenshon di tuma, Konseho di Minister di Reino semper lo tene un asina yamá deliberashon kontinuá, pa despues e islanan tin derechi di trese e disputa dilanti na Raad van State.
Segun Plasterk Whiteman ta kontentu ku kon ku bai bini tin moveshon den e fail aki. E islanan ta preferá mira Hoge Raad hunga un papel ku un veredikto obligatorio, pero lo presentá e proposishon temporario di Plasterk na Staten.
“Mi ta spera ku serka un proposishon temporario nos lo no tuma tur kos muchu pisá, aktualmente nos no tin nada. Si nos mira patras riba un kantidat di disputa ku tabatin, tur hende ta di akuerdo ku lo tabata mihó si esakinan no a eskalá asina”, Plasterk ta bisa.
Aruba
Plasterk ta sita e ehèmpel di Aruba, ora Konseho di minister di Reino a duna gobernador ordu pa wanta e presupuesto. “Lo tabata ta mihó si nos a skòrs e desishon ei i si e ora ei nos lo a por a presentá e disputa na Raad van State pa un konseho krusial.”
Outor Dick Drayer