Internat di mucha di Brakapoti ta haña ayudo pa e muchanan i e trahadónan – potrèt: Anneke Polak
WILLEMSTAD- Ta e bientu duru so por tende ta supla riba e tereno bashi di Internat di mucha di Brakapoti. Paden ta tene un reunion ku tur internat riba Kòrsou tokante e trato di abuzu seksual.
“Bo no por bai sinta warda prueba sólido. Asina tin un hende sospechoso esaki ta dañino kaba pa bo organisashon”, Dayanushka Lindeborg ta haña. For di mei e ta direktor na e Internat pa mucha di Brakapoti difamá. Fin di òktober a kita un di tres trahadó, despues ku a bin sali ku dies aña pasá a konden’é pa nuebe luna pa motibu di aktonan seksual ku alumno menor di edat.
Kastigu dòbel
Un luna promé a sali ku mucha a keha dos otro trahadó di e internat pa motibu di abusu seksual. Gezinsvoogdij Instelling Curaçao siman pasá a saka diessinku mucha for di e internat, a pasa nan pa Justitiele Inrichting Curaçao (JJIC, ántes GOG). Manager di kuido Teun Siersema tin pregunta tokante di esaki. “Awor ta dos be ta kastiga e muchanan aki? Nan tabata víktima kaba anto awor atrobe di henter e situashon. Anto kiko esaki ke men pa e muchanan ku a keda atras?”
Sinku internat ta traha huntu na un protokòl – potrèt: Anneke Polak
Kuater mucha hòmber ta hunga pafó riba e tereno di e internat. Nan ta improvisá riba e vèlt di basketball ku un bate i un bala di tènis. Paden Siersema – ku ta traha na Combinatie Jeugdzorg na Eindhoven – pa un binti trahadó di Huize Sint Jozef, Casa Manita, Kas Bruder Pius, Internat pa mucha di Brakapoti i Kas Rose Pelletier, ta papia. E manager di kuido ku hopi eksperiensha ta yuda formulá un protokòl ku lo ofresé minister di Desaroyo Sosial.
Un protokòl di abusu seksual asina lo tabata hopi wèlkòm serka e internat, Lindeborg ta bisa. “Ora mi mira bèk riba e asuntu ainda e ta hasi doló. Mi no ta entusiasma ku e manera ku a trata e kasonan. Nos mester a pensa internamente kon ta trata den un kaso asina.” E muchanan ta relativamente bon, e direktor, ku ta haña ayudo serka Skuchami, ta bisa. “Tur dia nos ta haña bishita serka profeshonalnan ku t’ei pa e trahadónan tambe. Si nos ke pa kos bai bon ku e muchanan, kos mester bai bon ku e trahadónan tambe.”
Sensashonalismo
Norman Cicilia, direktor di e instansha pa salubridat mental Skuchami, ta kontentu ku e deliberashon. “Lidernan di grupo tabatin miedo di kana pafó na nan ünifòrm, ta kriminalisá nan. Ta wak e muchanan manera a mishi ku nan. Kisas e mucha aki nò, pero tòg nan ta wak e manera ta bèrdè. E isla aki ta sufri di sensashonalismo.”
Cicilia ta repudiá tur atenshon di medionan di komunikashon, pero tambe e traslashon di diessinku mucha. “Esei ta teribel. Bo ta krea un problema den un problema. Den e tipo di kasonan asina OM mester trata mas lihé posibel. Kisas a sosodé mas kos, mi no sa. Ta wes mester disidí den esaki. Pa e sospechosonan tambe. Si nan ta malu mester trata nan.”
Por lo pronto Skuchami, despues di deliberashon ku minister Ruthmilda Larmonie-Cecilia di Desaroyo Sosial, lo no pone mucha nobo mas na Internat di mucha di Brakapoti.
Outor Anneke Polak