Un trùk ta entregá awa di bebe na Saba
DEN HAAG – Den Tweede Kamer awe a aseptá un proposishon di lei ku ta regla e suministrashon di awa i koriente na islanan BES. E responsabilidat ta kompletamente den man de Reino awor.
Reino no ta kibra e posishon di monopolio di e kompanianan di utilidat públiko na islanan BES, pero ta primintí di supervisá e eksplotashon di e empresanan mas mihó. Ta e intenshon pa laga e kompanianan traha mas efektivo.
Energia duradero
Aktualmente e suministrashon hulandes karibense ta traha riba disel i gasolio, loke ta masha karu. Si ta na gobièrnu hulandes den e añanan binidero mitar di e suministrashon di energia na islanan BES mester bini di fuentenan duradero.
Esei tambe lo baha e preisnan di awa i koriente, asina minister Melanie Schultz van Haegen (Infrastruktura i Medio Ambiente) ta ferwagt. Diferente partido no ta haña esaki basta ambisioso i a insistí pa no keda solamente na 50 porshento di energia duradero.
Hulanda ta supsidiá suministrashon di koriente i awa na Hulanda Karibense ku respektivamente 6 i 2 mion dòler pa aña. E minister ke mengua e supsidia aki den e dies añanan binidero.
Proposishonnan ku no a logra
Un moshon di Roelof van Laar (PvdA) pa hasi e tarifanan na Hulanda Karibense igual na e tarifa promedio di Hulanda Oropeo, no a logra. Un proposishon di PVV pa no duna supsidia mes mas, tampoko no a logra.
Outor Pieter Hofmann