Fabien Cousteau tabata keynote speaker na e konferensha di CHATA | Potrèt: Dick Drayer
WILLEMSTAD – Banda di e fuentenan di energia duradero solo i bientu, for di poko tempu a añadí un desaroyo nobo na Kòrsou: awa di oséano. Energia i friamentu for di awa friu.
Segun Fabien Cousteau, ñetu di e eksploradó di oséano mundialmente famoso Jacques Cousteau, Korsou no por pèrmití su mes di sigui e kurso konservativo aktual – basá riba energia di kombustibel fòsil – mas.
Asina el a bisa djárason riba un konferensia di durabilidat ku CHATA, bosero di e sektor di hospitality a organisá espesialmente.
Índise di salubridat
“Kòrsou ta pará haltu riba e “Ocean Health Index”, Cousteau ta bisa. E Indisé ei ta un sorto di Dow Jones Index pa salubridat di e awa di oséano. “Esei ke men ku Kòrsou tin bon kondishon pa por ehèmpel saka energia i friamentu for di awa di laman hundu.”
Ademas e forma aki ta trese posibilidat pa desaroyá agrikultura i hortikultura na Kòrsou. Segun e oradó wespet dr. ing. Jan Westra Korsou por saka hopi ganashi for di esei. “E sabiduria no t’ei ainda, p’esei espesialmente hortikultura no ta bai bon ainda. Pero sin teknologia di kalidat haltu i gastu haltu tòg bo por ekonomisá enormemente i kria mata.”
Eco Park
Aeropuerto di Kòrsou (CAH) a pidi Remi Blokker di e kompania hulandes Bluerise pa lanta un proyekto pa energia di awa di laman hundu. Entretantu gobièrnu a saka aeropuerto for di e proyekto. E úniko akshonista, gobièrnu di Kòrsou, ke pa CAH okupá su mes ku su core-business i no ku produkshon i suministrashon di energia.
“Aruba tin un maneho bèrdè i a drenta un kaminda kla. Kòrsou por desaroyá un maneho blou, pero gobièrnu niun ora so no ta okupá ku su mes ku maneho di energia. Kaba, ora bo wak e implementashon di energia duradero, bo ta mira ku ainda Kòrsou ta kana dilanti di Aruba.”
Outor Dick Drayer