Hermien Miltenburg (r) i Jealaine Alexander di My Future Career – potrèt: Dulce Koopman
WILLEMSTAD- Mester kuminsa hopi tempran ku preparashon di e studiantenan ku tur aňa ta bai studia na Hulanda. Esaki ta e mensahe pa Kòrsou di Hermien Miltenburg, speshalista hulandes den komunikashon ku mayor. Resientemente Miltenbug tabata na Kòrsou pa di dos bia, riba invitashon di My Future Career, ku ta guia studiantenan ku riba nan mes ta bai studia na Hulanda. Na e okashon aki Miltenburg a topa ku dekano i mentornan lokal.
Miltenburg ta konvensi ku e mayornan so no por prepará nan yunan pa e bida nobo na Hulnda.
Dulce Koopman den kombersashon ku Jealaine Alexander
Eskogo di estudio
E faktor di eksito krusial pa e studiantenan ta un bon proseso di eskogo di estudio. Esaki ta konta pa SBO, HBO i tambe Universidat. Miltenburg ta sostene e yamada di My Future Career direktor, Jealaine Alexander, ku gobiernu mester inverti den e proseso pa yuda e studiante hasi eskogo di estudio.
Mi ke realisá un relashon duradero ku Kòrsou, Boneiru i Aruba i St. Maarten, Miltenburg, ta bisa. “E hendenan di Kòrsou tambe tin hopi talento pero mester kambia nan manera di pensa un tiki. No ta trata solamente so di entre otro, wiskunde, ingles i hulandes, pero tambe di e habilidat pa studia.”
E dekano i mentornan di Kòrsou a kompronde esaki durante dje kurso di Hermien Miltenburg i nan ta hopi ethousiasmá ku e sistema aki di traha. “Nan ta bai desaroya programanan pa yuda e muchanan na Kòrsou i esei ta algu fantastiko”. Asina Miltenburg a komenta.
Kurso
Tur direktiva di skol a partisipá i fin di sepember tin un kontinuashon dje kurso. Den futuro Hermien Miltenburg ke inklui mayornan tambe den su training.
Outor Dulce Koopman