Drumband Zwolse Panters – potrèt: HoltenbroekNu.nl

Drumband Zwolse Panters – potrèt: HoltenbroekNu.nl

ZWOLLE – For di añanan ’60 antianonan na Zwolle tabatin hopi influensha riba e bida sosial kultural. Entretantu e influensha ei ta bou di preshon.

Franklin Francinet, yu di Kòrsou na Zwolle for di 1965 banda di su estudio a bai hunga beisbòl. “Nos tabata hunga na e asosiashon di deporte ZAC. Ei no tabatin masha interes pa beisbòl, ke men nos a lanta nos mes klup: The Hitters.” Ta e klup ku a bini promé ku Blue Hawks, ku ántes tabata sali riba e e nivel mas haltu ménos un.

Ainda èks miembro antiano tur aña ta organisá un torneo di softball pa timnan antiano. “Esaki ta un get-together masha grandi, tur hende ta bini”. Francinet ta bisa.

Sakrifisio di misa
Na Zwolle e antianonan tin nan ‘propio’ ekspreshon di religion tambe. For di 2004 katóliko di abla papiamentu ta tene misa den nan lenga materno. Esaki ta tuma lugá den Verrijzeniskerk. E servisionan ta popular: ora tabatin papiá ku nan mester stòp, Violet Roosberg akolektá 400 firma pa protestá esaki. Entretantu munisipio a bai parokia di San Tomas di Aquino. Pader Wybe Fransen, añanan largu pader na Aruba, ta lesa e misanan.

Nos Union
Ora Milushka van Uyten na 1997 yega Zwolle for di Kòrsou, e no ker a enkargá su mes ku muchu kos pareu. E ta organisá fundraising, fiestanan di kaya i ban topa. “Frankamente mi ta haña ku awor si ta basta, pero tabata dushi si.”

Van Uyten a kolektá plaka pa Zwolse Panters, un drumband pa hóben antiano. “Nan tabata toka na fiestanan riba kaya. Trinta músiko, diessinku bailarina. Un ámtenar a konta mi ku durante un fiesta asina tur hende tabata para riba otro mientras ku e otro kayanan tabata keda bashí.

Tabata kosta basta plaka: “E instrumèntnan sin mantenshon tabata kosta 80 mil euro. E treiner tabata bini for di Rotterdam dos be pa siman. Tòg tabatin hende ku ker a laga nos bin toka pa dos òf tresshen euro so.”Pa e plaka ei apénas por a paga e miembronan di e banda. E skarsedat tabata angustioso. Ora e mayornan di e tokadónan a bin mete, Van Uyten ta disidí di legumai.

Barberia
E yu di Kòrsou Joseph Isenia ta habri JoJo’s, e prome barberia na Zwolle. “Mi a kuminsá pela den mi kamber chikitu. Esei a sali fo’i man anto e ora ei m’a habri un negoshi na Holtenbroek, den un edifisio ku nan ker a basha abou.”

E habitantenan di Zwolle na prinsipio mester a kustumá. “Na final nan a komprondé ku no tabata solamente pa hende ku ‘black Hair’”asina Isenia ta bisa. Entretantu e barberia ta eksistí dies aña i nan a muda pa un sitio mas sentral. Andy Kirchner tabata bai hopi na JoJo’s. “Serka barbero hulandes ta pela, kla, bai, e mentalidat di kòfi ku ‘cake’. Na JoJo’s tabata drecha bo barba i bo tabata haña un puiru. Tabatin muzik, tabatin bailamentu, djabièrnè atardi tabatin serbes.”

Fiesta
Den su tempu na Zwolle Kirchner tabata traha pa hóbennan i e tabata DJ. “Dos yu di Kòrsou a tuma un ‘pub’ irlandes ofer i nan a pidi mi bin traha komo DJ. Mi a hasi esaki poko tempu. Promé e públiko tabata hulandes, ora m’a bai tabatin tur sorto d hende.”

Anaïs i Sendley Roosberg, envolví den e fiestanan di Zwollywood Late Latin Night ku tabatin tur luna, no tabata fókùs riba un públiko antiano sino un públiko mas multikultural ku ta bin baila. E inisiativa di nan tio Giovanni ta duna DJ hóben un podio.

Tur dos por kòrda e fiestanan di bario di Nos Union pero nan ta preferá basa nan fiestanan riba estilo di muzik mas di moderno. Anaïs: “Sierto tipo manera salsa i kizomba ta ‘in ‘i esei ta hunga un papel grandi. Pasobra t’asina un hype grandi bo ta haña hende di diferente edat i diferente kultura na fiesta.”

Pèrdè vibe
Pa algun aña a para e maneho di gruponan, kaminda ta duna supsidio na un grupo spesífiko (por ehèmpel antiano). Aktividatnan spesífikamente antiano a muri. Van Uyten: “No tin nada mas ta sosodé. Niun hende no ta hasi nada.”

Francinet ta mas matisá: Sierto grupo ta organisá fiesta di SanNicolas pa mucha antiano. I Noche Buena ora di Pasku di Nasementu. “ René van Rijn, trahadó sosial na Holtenbroek: “pronto lo bini un torneo di dominó pa henter Hulanda den e buurthuis. E énfasis ta kai si riba e echo ku nan mes mester organisá den e komunidat.

Mayan parti tres di un seri di tres kapítulo: Holtenbroek no ta Holtenbronx mas. Lesa parti un aki.

Outor Pieter Hofmann