Jacques Heide – potrèt: Dulce Koopman
WILLEMSTAD – A surgi un retraso den e planifikashon di konstrukshon di Hospital Nobo ku konsekuentemente ta subi e gastunan pa traha e hospital. Pero e situashon aki no tin influensha riba e ánimo pa e hospital ku awor ta kla den e di dos kwartal di 2018 enbes di fin di 2017. Mientrastantu djabierne a alkansá e punto di konstrukshon di mas altu na e parti west dje hospital nobo.
Esaki tabata motibu di selebrashon ku esnan ku diariamente ta traha riba e hospital i tambe invitadonan. E okashon aki a marka tambe inisio di e temporad di fakansi di sektor di konstrukshon i konsekuentemente paro dje trabounan riba e sitio de hospital nobo na Otrobanda, pa algun siman.
Gerensha di USONA ta konstata ku e trahadonan ta hopi orguyoso riba e trabou ku nan ta hasi i ku tur dia nan ta siňa algu nobo. Ademas nan ta traha hopi bon ku otro i ta haňa bon guia, segun Jacques Heide. Pa loke ta konserni e habitantenan den besinario di Hospital, resientemente a duna nan guia den e edifisio den konstrukshon i tambe involvi nan trahamentu di un propaganda na televishon.
Dia Habri
Publiko tambe tin oportunidat pa djasabra 12 di desember pa bishita e Dia Habri di Hospital Nobo i mira kon e konstrukshon ta avansá.
Outor Dulce Koopman