Daniel Hodge – potrèt: Dulce Koopman
WILLEMSTAD – E hecho ku nos komunidat tin hopi debe, kombiná ku e preisnan karu di kas, ta pone ku prinsipalmente e asina yamá ‘starternan’ i e grupo bou dje klase media por pasa difikultat pa haña hipoteek. Prinsipalmente proyektonan privá ta eksperensiá ku nan klientenan ta hana respuesta negativo riba petishon pa hipoteek.
Daniel Hodge, presidente di Asosashon di Bankero ta splika ku en realidat kompara ku añanan anterior e kondishonnan pa hipoteek a bira mas fleksibel. Sinembargo nos komunidat ta hopi endeudá i preisnan ta altu komo konsekuensha dje euro. Esaki ta hasi kasi imposibel pa hobennan ku kaba di studia por kumpra nan kas.
Dulce Koopman ta papia ku Daniel Hodge
Ku e meta pa krea mas posibilidat pa duna hipoteek na e gruponan ku menos chèns, banda di PSB Bank tin varios insiaitiva entre kua di EWP, FKP. EWP aktualmente tin un projekto grandi, Acropolis na Montaña. FKP tambe ta traha kas pa e grupo aki ta aktivo aktualmente na Brakapotti. Na Wechi kaminda ku FKP ta pendiente pa kuminsa traha, tambe por spera ku ta konstrui kas pa e klase media.
E presidente di Asosashon di Bankero a konfirma ku e difikultat pa haña hipoteek serka sierto grupo den nos komunidat tin atenshon di e bankonan i tambe gobiernu. Ta pesei konhuntamente ta boga pa alivia e situahon aki.
Outor Dulce Koopman