E refineria na San Nicolas – potrèt: Ariën Rasmijn
ORANJESTAD – Citgo su tumamentu ofer di e refineria na San Nicolas a yega un paso mas serka. Segun promé minister Mike Eman e negoshashonnan entre e kumbre di e kompania di zeta di Texas i minister di energia Mike de Meza siman pasá a bai asina bon ku entre otro lantamentu di un sosiedat anónimo ku na nòmber di Aruba ta tuma e refineria ofer awor ta ‘un kestion di hasié’.
Fin di mart lo firma un akuerdo definitivo. Entretantu mas detaye importante rònt di e tumamentu ofer ta bira kla. Ora ku pais Aruba tuma e refineria ofer e obligashon di e doño aktual Valero pa desmantelá e refineria ta kaduká.
Invershon
Pa e akuerdo nobo ku Citgo ainda tin deliberashon tokante den ki medida e kompania di zeta lo ta responsabel pa un eventual desmantelashon. Segun Eman Citgo ta papia di un invershon di entre 600 i 800 mion dòler pa hasi e refineria kompletamente operashonal atrobe.
Citgo ta bai di akuerdo definitivamente ku e intenshon pa laga e refineria traha riba gas. Ei lo mira e posibilidatnan pa laga entregá e gas via un pipa for di Venezuela. Por sigui pasa e pipa aki pa e refineria Isla na Kòrsou.
Lima
Citgo ta bai di akuerdo tambe pa kolekta gas di eskape na un ‘eskala industrial’ pa kria lima ku esaki, i ku e lima produsí otro produkto. Segun Eman e refineria nan San Nicolas ku esaki ta bira ‘un di e poko kamindanan na mundu kaminda tin e aktividat aki na un eskala asina grandi’.
Ta e intenshon pa Citgo lease e refineria binti aña di Aruba pa un suma di entre diessinku pa 20 mion dòler pa aña. Ademas tin riba mesa ku Citgo lo bai paga minimalmente 10 mion dòler na belasten kada aña. Nan predesesor Valero tambe tabata hasi esaki despues di e ‘settlement agreement’ ku gobièrnu arubano a drenta na vigor na 2010.
Rincon
Pa loke ta e supuesto lasonan entresu gabinete i e komersiante venesolano Roberto Rincon ku a detené pa froude, Eman ta bisa: “E tempu ei a aserká Rincon pa motibu di su kontaktonan ku Citgo i su empresa mama, e kompania di zeta di estado venezolano PdVSA. Ta lástima ku e kos a kaba asina ku señor Rincon.”
E ta deklará ku el a papia ku Rincon un bia so i ku Rincon mes na un dado momento tabata interesado pa tuma e refineria ofer. E echo ku nan no a topa mas ku un bia lo no tin nada di hasi ku un opinion di su banda tokante e komersiante venesolano, pero ku e echo ku e mes tabata ménos okupá ku e refineria ku otro minister.
Outor Ariën Rasmijn