Festival di Tumba 2016 – potrèt: José Manuel Dias
WILLEMSTAD – Si den pasado Festival di Tumba tabata abarká kasi shen tumba, último añanan por nota un bahada basta aksentuá kaminda e kantidat di tumbanan a baha bou di sesenta. Segun tumberonan e tendensia negativo aki tin di haber ku un oumentu den e gastunan pa produsí tumba di karnaval.
Awendia un tumbero ku no tin banda mester disponé di por lo ménos kuater mil florin pa e por partisipá den Festival di Tumba. E suma aki ta pa produsí e tumba so, sin konta e vestuario i otro materialnan ku e tumbero ta usa durante su presentashon. Segun eks Reina di Tumba, Elia Isenia, e kostonan haltu ta afektando prinsipalmente e talentonan hóben ku den nan mayoria no ta disponé di hopi sèn. “E areglo di e tumba so ya ta salibo riba mil florin”, Elia Isenia ta remarká.
Un reportahe di José Manuel Dias