- potrèt:  Deya Mensche

Dosente Jeroen Heuvel ta mira kon e reglanan nobo lo afektá algun alumno negativamente – potrèt: Deya Mensche

WILLEMSTAD – Djaweps último, tabatin un reunion importante entre ministerio di enseñansa i juntanan eskolar, unda a elabora kon e proposishon di lei pa e ahustenan di diploma HAVO i VWO lo keda implementa. Durante e enkuentro, guia pa Eunice Eisden, tambe a splika kon e plan komersial pa aritmétika ta kanando i kon esaki lo keda implementa pa e aña eskolar di 2016-2017.

Despues ku e fechá ku Hulanda a pone pa e ahustenan pa e diploma HAVO – VWO, a vense, atrobe a lanta preguntanan bou di mayornan preokupá i varios junta eskolar na Kòrsou. Minister Dick a kubri su pasonan dor di bai parlamento na yanüari, unda ela garantisá ku nan ta riba e bon kaminda ku e implementashon di e ahustenan. Según bosero Tico Vos, aktualmente e lei ta na Konseho Konsultivo, ya ku pa basta luna esaki a sali fo’i ministerio pa WJZ. “Si ningun hende no wanta e akto legislativo aki, e lei ta sali na tempu pa eksámen”, ela garantisá.

Nivel
Elisabeth Hollander, èks dosente di hulandes, ta kere ku ta un desaroyo positivo ku lo introdusí e ahustenan hulandes, pero e ta enfatisá ku e nivel di e diploma no tin mag di sufri. “Tur hende ke sa kiko ta e ahustenan ta kome i bebe di dje eksaktamente. No mester enfoká solamente riba un punto di mas of un punto di menos”, Hollander a splika.

E krítika mas feros riba minister Dick, ta su sugerensia ta pa apliká e ahuste solamente p’e studiante ku ta bai Hulanda, kreando un impreshon ku ta dos tipo di diploma lo tin. “Een storm in glas water, un tormenta den un glas di awa”, Tico Vos a enfatisá. “Korda ku Hulanda a indiká di ta rekonosé nos diploma”, e bosero di minister Dick a deklará.

Errol Cova - potrèt:  Deya Mensche

Errol Cova – potrèt: Deya Mensche

Difísil
Según Errol Cova, presidente di fundashon KPEK kende ta boga pa alsa kalidat di enseñansa dor di definí e normanan di kalidat huntu ku vèlt, gobièrnu no mester implementa e ahustenan sin pensa, paso esaki lo kreá problemanan grandi pa e studiantenan. E èks dosente i lider sindikal ta konstatá ku ainda ta reina un konfushon bou di nos komunidat ku nos diploma mester ta igual na esun di Hulanda, kual según Cova ta algu hopi difísil pa implementa i konsekuentemente lo perhudika nos enseñansa.

“Den enseñansa mundialmente no ta eksistí igualdat pero si ekivalensia”, Cova a splika. Según Cova, e diskushon riba e ahustenan no mester ta unu tékniko, pero mester ta riba e preparashon di implementashon i maneho di kiko gobièrnu ta aseptá of no. Cova ta enfatisá ku nos diploma mester ta ekivalente na e diploma hulandes i ku mester hèndel esaki según reglanan internashonal.

Jeroen Heuvel, dosente di Papiamentu fo’i 2006, ta mira kon e reglanan nobo lo afektá algun alumno negativamente. Heuvel a splika ku den e regulashon di materia básiko, e alumno tin mag di tin ún sinku so pa un di e tres materia mandatario, sobra tur mester ta mas haltu. “No ta tur studiante lo keda perhudika i di un banda ta bon ku e ahustenan akí ta bini, pa asina e studiante no faya na Hulanda”, ela splika. “Na otro banda, mi ta realisá ku nos ta biba na Kòrsou i no ta edukando mucha pa bai Hulanda so”, e dosente a kontinuá.

Skrudiñá
Si Hollander, Cova i Heuvel ta di opinion ku e nivel di enseñansa general di Kòrsou mester keda skrudiñá. “No mester mira e ahustenan komo un spada pa perhudika e studiante, pero mester wak e kontenido”, Hollander a añadi. “Nos mester determina nos normanan di edukashon i atené nos mes na dje”, Hollander a finalisá.

Outor Deya Mensche