Potrèt: Unity Carnival Group
ORANJESTAD — Pa hopi aña caba Angelo Richardson hunto cu su banda Hot Ones ta participa den paradanan di carnaval cu muchanan cu limitacion. Esaki a pesar cu gastonan ta halto y sponsornan no ta mustra mucho interes.
E aña aki te hasta mester a dicidi pa no participa, pero pa otro aña Richardson kier bin cu e grupo di carnaval Unity, cu cual tur persona cu un handicap lo por participa y luci riba caya.
Ariën Rasmijn combersando cu Angelo Richardson
E aña aki e actividadnan carnavalesco di Hot Ones ta keda limita na ‘Jump-Ins’ serca e diferente fundacionnan local cu ta trata cu muchanan cu un limitacion. Te awo e grupo a participa cu muchanan di un fundacion cada biaha den paradanan di mucha, pero pa otro aña Richardson kier subi e rutanan di carnaval cu muchanan di tur fundacion y personanan cu ta uza rolstoel. Su meta ta pa asina yuda nan participa mas den comunidad.
Autor Ariën Rasmijn