Ku un koperashon ku bònt di volleyball, FDDK por a pone un flur nobo na Don Bosco – potrèt: Elisa Koek
WILLEMSTAD – Deporte ta un parti fiho di e kuríkulo d skol. Tòg un falta di fasilidat i dosente ta keda forma un problema na Kòrsou. “Nos tin muchu poko fasilidat indoor aki na Kòrsou”, Thakaidzwa Doran, presidente di Fundashon Desaroyo Deportivo Kòrsou (FDDK) ta bisa. “Kasi no por hasi deporte manera volley òf basketball .”
Dosente Edukashon Físiko na Maris Stella College, Erwin Alberta, p’esei a disidó di traha su mes plan. E alumnonan ta hasi deporte den un sentro di fitness den besindario.
Semper Maris Stella College tabatin ku bai Caracasbaai pa hasi gemnastik. “Un les ta dura un ora i mei i na e skol mes no tin fasilidat di gemnastik. E úniko kaminda ku nos por a bai, tabata Caracasbaai.”dosente Alberto ta konta. Pero e santu moli i e kalor na Caracasbaai, no tabata benefisial i ademas Alberto tabata ke mas variashon. P’esei el a hasi un areglo ku HeartBeat i tres meinta pa sinam e ta hiba klasnan bai e gym.
Uso grátis
E alumnonan ta traha segun un programa ku ta konsistí di diferente parti. Despues di un warming up nan ta kuminsá traha na diferente grupo di múskulo. “Awor nan ta ripará e efekto di deporte: tin bia nan tin doló di múskulo i kada bia nan por train un tiki mas pisá. Asina nan ta realisá kiko kua moveshon ta hasi ku nan kurpa i asina nan ta haña mas interes den deporte.”
Por lo pronto Alberto i su alumnonan por usa e sentro di fitness grátis, pasobra no tin plaka èkstra.
No tin ni fasilidat ni dosente
E materia Edukashon Físiko semper ta un punto difísil na Kòrsou. Hopi bia no tin plaka pa material òf fasilidat i ademas tin falta di dosente. Na Sufisant no tabatin kasi nada na fasilidat, pero for di poko tempu esaki a kambia. Ku koperashon ku e bònt di volley FDDK por a pone un flur nobo na Don Bosco i a renobá e fasilidat. Awor skolnan ta usa Don Bosco meinta.
Pa krea mas dosente adekuá Doran di FDDK ke start un proyekto ku kua hende ku diploma di mbo por kuminsá komo dosente di edukashon físiko. “Nos a wak ku esnan ku a kaba di studia por duna les bon i didáktikamente i esaki ta logra. Awor e intenshon ta pa hasi mas ku studiantenan di mbo ku eksperiensha ku deporte i trein nan pa bira dosente. Nos ta warda aprobashon pa nos kuminsá ku e promé ocho dosentenan.”
Mas interes promé
Esaki ainda no ta solushoná e problema pasobra segun Doran espesialmente mester bini mas interes pa deporte. Ta p’esei FDDK a kuminsá promové un kantidat di deporte. Aktualmente nos ta fókùs entre otro riba atlétika i basketball”, Doran ta konta. Pa hasi e efekto mas grandi, FDKK a haña ayudo di e hungadó di baseball profeshonal Kenley Jansen i su fundashon . Nan a invertí den entre otro atlétika i basketball”, Doran ta konta. Pa hasi e efekto mas grandi, FDDK a haña ayudo di e pelotero profeshonal di Kòrsou Kenley Jansen i su fundashon. Nan a invertí plaka den un torneo di basketball.
E torneo a hiba hubentut pa e deporte i e interes t’ei atrobe. P’esei nos ta bai start un kompetishon di skol pa asina pone ku tin mas deporte na skol. Ku ayudo di dosente di trein nos ta spera pa asina solushoná e problema di deporte i na final kombatí obesitas tambe na Kòrsou.
Outor Elisa Koek