Awe a proponé adaptashon na minister di Enseñansa, mañan e miembronan di Sitek ta bini bèk pa haña kontesta i esaki ke men ta ku wèlga atrobe – potrèt Elisa Koek

Awe a proponé adaptashon na minister di Enseñansa, mañan e miembronan di Sitek ta bini bèk pa haña kontesta i esaki ke men ta ku wèlga atrobe – potrèt Elisa Koek

WILLEMSTAD – Pa di tres dia sentenar di dosente a pone trabou abou awe: nan ke pa pasa mehorashon di kondishonnan di labor i mester kita man for di nan previshonnan . “Mi tin 35 aña ta traha i mi por a baha ku penshun kaba. Awor na edat di 65 aña mi ta haña mi ta kore tras di un mucha di ocho aña”, Marlon Lourens di 58 aña, dosente na Prins Bernhardschool, ta bisa.

Lio Plantijn, presidente di Sitek, ta haña ku ta basta. E dosentenan tin añanan largu ta warda kambionan ku a primintí, pero nada no ta pasa. Mañan tambe ta wélga wardando un reakshon di gobièrnu.

Multitut
E multitut i e lucha pa haña un lugá di parker na Sitek kasi parse manera ta un fiesta grandi òf un festival tin, pero niun ora. A organisá e enkuentro djárason meinta pa informá dosente i otro interesado tokante e puntonan ku Sitèk ke kontesta riba nan di gobièrnu.

Tresshen hende di sigur sinkuenta skol a bini huntu den e plenchi patras di e edifisio. E shafùrnan di e bùsnan di skol tambe t’ei.

E puntonan di difikultat ta asuntu manera seguridat na skol, pero tambe e subimentu di edat di penshun, kondishonnan laboral i inklaridat tokante e sistema di enseñansa hulandes. Plantijn ta menshoná e programa di rekapasitashon aktual komo ehèmpel konkreto. “Nada no ta klòp na esaki. Tin dosente ku no a presentá nunka ku ta haña un diploma. Tambe lo mester bini kurso di hulandes i rekenen pa krea dosente bon siña, pero ta formalidat ku no ta ehekutá ni kontrolá seriamente.”

Mayor agresivo
Hopi di esnan presente ta preokupá pa nan seguridat. E notisianan di tiramentu den skol na por ehèmpel Estádos Unídos ta preokupante. “Anto aki tur hende por djis kana drenta skol”, Plantijn ta bisa. Ademas e mayornan di awendia no por kompará ku esnan di trinta aña pasá. “Tin be mayor ta bira agresivo ora bo kritiká i ademas nan tin ménos tempu pa nan yunan:, Lourens ta sigui. Corinne Goorn di Maria College tambe a eksperensiá esaki . “Durante un kombersashon regularmente mayornan ta bira masha agresivo. Anto mi ta mi so e ora ei. P’esei awor mi ta sali pa mi derechonan.”

Hopi di e presentenan ta preokupá pa nan seguridat. E notisianan di tiroteo na skol na por ehèmpel Estádos Unídos ta preokupante. Potrèt : Elisa Koek

Hopi di e presentenan ta preokupá pa nan seguridat. E notisianan di tiroteo na skol na por ehèmpel Estádos Unídos ta preokupante. Potrèt : Elisa Koek

Dosentenan no ta sinti nan mes respetá i ademas ta preokupá pa futuro. “Ta ken ke bira dosente ainda awendia?”, Lourens ta puntra su mes. Segun e dosente Korsou lo han’é den problema aki un aña pa falta di dosente. Ta e trabou di mas mal paga despues di un edukashon hbo i e kondishonnan di awor ta hasié masha inatraktivo.” Tòg e mes nunka lo no tabata ke un otro trabou. Bo ke siña mucha algu. Duna lès ta un vokashon, mi stima mi trabou pero asin’akí si nan ta kita e amor ei ku forsa.”

Akshon promé ku fakansi grandi
Plantijn ta bisa berdaderamente a bira tempu pa akshon i ku Sitek no ta stòp mas te ora atendé e diferente puntonan konkretamente. Awe a proponé e adaptashonnan na minister di Enseñansa, mañan e miembronan di Sitek ta bini bèk pa haña kontesta, ke men ta wèlga atrobe. “I promé ku fakansi grandi e puntonan mester bira konkreto sino nos ta kuminsá di nobo.”

Outor Elisa Koek