Dekker-KOelega

DEN HAAG – Ta na direktivanan di skol na Boneiru pa disidí kon nan ke ehekutá nan instrukshon di idioma. Esaki sekretario di estado Sander Dekker (Enseñansa) awe ta skibi na Tweede Kamer.

Anteriormente a sali for di e reportahe di e gruponan di eksperto hulandes i papiamentu ku e gruponan pa un gran parti no ta di akuerdo. E gruponan di eksperto tin un diferensha di opinion den kua idioma e alumnonan mester siña lesa i skibi i e pregunta kon mester parti e oferta di idioma entre hulandes i papiamentu.

PvdA ta desapuntá ku e gruponan di eksperto no a yega na un konklushon konhunto. “Pa e miembronan di e frakshon aki ta inaseptabel ku despues di tantu tempu ku a invertí, esfuersonan i investigashonnan na final no ta sosodé nada òf masha poko. E importansia di e siñamentu di idioma hulandes pa habitantenan di Boneiru ta muchu importante pa no bini mas lihé posibel ku mehorashonnan di enseñansa.

E partido di gobernashon ke sa di e sekretario di estado kiko lo ta e konsekuensianan pa futuro di enseñansa di idioma. Dekker: “E kuadro general legal ta kla: hulandes ta e idioma di instrukshon den enseñansa sekundario i hulandes i papiamentu ta e idiomanan di instrukshon den enseñansa primario. Kon ehekutá e maneho di idioma den skol den e kuadro aki ta prinsipalmente e responsabilidat di e direktivanan di skol.”

Rekomendashonnan
E gruponan di eksperto no opstante e diferensia di opinion entre nan, a duna rekomendashon si pa ehekutá nan maneho di idioma di skol. Tantu Dekker komo Nederlandse Taalunie, ku anteriormente a duna un rekomendashon kaba, ta haña ku e rapòrt di e gruponan di eksperto ta duna sufisiente sosten p’esaki.

Dekker: Esaki ke men ku ta na e direktivanan di skol pa, a base di e kontenido di e konseho di Taalunie i e loke ku e gruponan di eksperto a deskubrí, skohe ora ta trata di asuntu manera e partishon eksakto di e tempu di instrukshon pa tur dos idioma i e idioma di alfabetisashon.

Outor Pieter Hofmann