Doño di loteria Robbie dos Santos rondoná pa esnan ku ta sosten’é dilanti korte – potrèt Anneke Polak
WILLEMSTAD – Doño di loteria Robbie dos Santos di Robbie’s Lottery no ta komprondé dikon ta nèt e nan ta gara den e kaso Bientu pa benta di lòt ilegal. “Mi sa ku e manera di hasi ei fiskalmente no ta korekto, pero tur e añanan ei no a hasi masha kaso. Gobièrnu di Kòrsou nunka no a reakshoná.”
Riba e promé dia di e tratamentu di e kaso pa kontenido no ta ninga ku Dos Santos tabatin buki di number separá. E echo ku riba e bukinan ei ku number falsu tambe tabatin pará ‘Wega di number di Kòrsou’, e nòmber ofisial di e loteria, Dos Santos no ta haña straño. “Pakiko nò?
Wega’ ke men hasi wega. Ken ku kumpra un number riba kaya sa ku ta number falsu.”
Dos Santos tambe ker a deliberá ku belastingdienst tokante e haltura di e impuesto atrasáku e mester paga awor, pasobra no a paga impuesto riba volúmen di benta ni di ganashi, pero e inspektor a indiká ku e ke warda e kaso penal promé. Tambe a keda sin deklará entrada i kapital serka belastingdienst, Dos Santos ta bisa ku e no sa kuantu. “Mi no ke bisa ku evashon di impuesto ta bon pero lástimamente ta esei ta mi destino den e negoshi di loteria.”
Testigu
Den e kaso Biento wes Ter Berg a tende sigur sinku testigu; kada un ta konfirmá ku tur kaminda na Kòrsou tin benta di number ilegal pa diferente doño di loteria. Entre nan e èks presidente di Fundashon Wega di Number Kòrsou Marius Römer: “Tin mas loteria sin pèrmit ku tin loteria ku pèrmit. Asina Pais Kòrsou ta pèrdè mas ku shen mil florin pa aña.
Outor Anneke Polak